Lögfræðingur á fyrirtækjasviði Byggðastofnunar

Byggðastofnun óskar eftir metnaðarfullum og lausnamiðuðum lögfræðingi til starfa á fyrirtækjasviði stofnunarinnar á Sauðárkróki. Starfið felur í sér þátttöku í fjölbreyttri útlánastarfsemi og atvinnuuppbyggingu um allt land í nánu samstarfi við öflugt fagfólk Byggðastofnunar.

• Yfirumsjón með skjalagerð vegna útlánastarfsemi, þar á meðal lánaskjala.

• Lögfræðiráðgjöf til starfsmanna í tengslum við úrlausn lánamála og annarra verkefna stofnunarinnar.

• Samskipti og samningagerð við erlenda samstarfsaðila.

• Greining lánsumsókna og gerð tillagna fyrir lánanefnd eða stjórn.

• Umsjón með verklagsreglum og innra regluverki stofnunarinnar.

• Hlutverk persónuverndarfulltrúa.

• Önnur verkefni í samráði við yfirmann.

• Meistarapróf í lögfræði og mjög góð þekking á íslensku atvinnulífi og samfélagi.

• Reynsla af starfi hjá fjármálafyrirtæki er æskileg, en ekki skilyrði.

• Þekking og/eða reynsla af rekstri fyrirtækja er kostur, auk hæfni í lestri og greiningu ársreikninga og annarra fjárhagsupplýsinga.

• Þekking á stjórnsýslurétti er nauðsynleg og reynsla af opinberri stjórnsýslu er æskileg.

• Þekking á Evrópurétti er kostur.

• Reynslu af greiningarvinnu og mjög góð greiningarhæfni.

• Góð færni í rituðu og töluðu máli, bæði á íslensku og ensku.

• Nákvæm og öguð vinnubrögð og hæfni til að vinna undir álagi, sjálfstætt og í teymi.

• Góð samskiptahæfni og fagleg framkoma.

Byggðastofnun hefur það markmið að hafa innan sinna raða öflugan og jákvæðan hóp starfsmanna. Við bjóðum fjölskylduvænt starfsumhverfi og tækifæri til að þróast og þroskast í starfi líkt og niðurstöður úr árlegri starfsmannakönnun Stofnun ársins bera með sér.

Starfið er staðsett á Sauðárkróki.

Starfskjör eru samkvæmt kjarasamningi Samtaka starfsmanna fjármálafyrirtækja.

Þeir sem áhuga hafa á starfinu eru hvattir til að sækja um óháð kyni. Með umsókn skal fylgja ítarleg starfsferilskrá og staðfesting á prófgráðum ásamt kynningarbréfi þar sem gerð er grein fyrir ástæðum umsóknar og hvernig viðkomandi uppfyllir hæfniskröfur.

Umsókn skal skilað í umsóknargátt sem finna má á heimasíðu Byggðastofnunar www.byggðastofnun.is sem og nánari upplýsingar um stofnunina. Öllum umsóknum verður svarað þegar ákvörðun um ráðningu í starfið liggur fyrir.