Sérfræðingur í skipulagsmálum

Skipulagsstofnun óskar eftir að ráða sérfræðing til starfa við fjölbreytt verkefni í skipulagsmálum með áherslu á aðal- og deiliskipulags.

Leitað er að einstaklingi sem hefur áhuga á að takast á við fjölbreytt viðfangsefni og getu til að leysa verkefni bæði sjálfstætt og í samvinnu við aðra. Um 100% starf er að ræða.

• Ráðgjöf og leiðbeiningar um skipulagsgerð sveitarfélaga, sérstaklega varðandi gerð og afgreiðslu aðal- og deiliskipulags.

• Ýmis verkefni við miðlun, leiðbeiningar og kynningarmál um skipulagsmál.

• Þátttaka í vinnu við þróun leiðbeininga, laga og reglugerða á sviði skipulagsmála.

• Háskólapróf sem nýtist í starfi, svo sem á sviði skipulagsfræði eða arkitektúrs.

• Þekking eða reynsla sem nýtist í starfi er æskileg.

• Þekking á opinberri stjórnsýslu á sviði skipulagsmála.

• Færni í notkun landfræðilegra upplýsingakerfa.

• Hæfni til að hagnýta þekkingu og reynslu í ólíkum verkefnum.

• Frumkvæði, skapandi hugsun og metnaður til að ná árangri.

• Færni í mannlegum samskiptum og jákvætt viðmót.

• Nákvæmni og ögun í vinnubrögðum.

• Gott vald á íslensku og ensku í ræðu og riti.

Skipulagsstofnun sinnir stefnumótun, stjórnsýslu og leiðbeiningum um skipulag og framkvæmdir með sjálfbæra nýtingu auðlinda og vandaða byggð að leiðarljósi. Stofnunin vinnur í víðtæku samráði við sveitarfélög, önnur stjórnvöld og hagsmunaaðila.

Skipulagsstofnun starfar á grundvelli skipulagslaga, laga um skipulag haf- og strandsvæða, laga um mat á umhverfisáhrifum og laga um umhverfismat áætlana og heyrir undir umhverfis- og auðlindaráðuneytið.

Hjá stofnuninni ríkir góður starfsandi og í boði er góð starfsaðstaða. Nánari upplýsingar má finna á www.skipulag.is

Laun eru samkvæmt kjarasamningi ríkisins og hlutaðeigandi stéttarfélags. Við hvetjum áhugasama til að sækja um, óháð kyni og uppruna.

Æskilegt er að starfsmaðurinn geti hafið störf sem fyrst. Gert er ráð fyrir að gagnkvæmur reynslutími sé sex mánuðir frá ráðningu.

Umsóknarfrestur um starfið er til og með 9. febrúar 2026

Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Umsjón með starfinu hafa Auður Bjarnadóttir (audur@vinnvinn.is) og Garðar Óli Ágústsson (gardar@vinnvinn.is).