Sérfræðingur í rekstri viðskiptakerfa

SEÐLABANKI ÍSLANDS óskar eftir að ráða öflugan liðsmann í starf sérfræðings í rekstri viðskiptakerfa, í deild viðskiptalausna og vörustjórnunar á sviði upplýsingatækni.

Sviðið sér m.a. um þróun, rekstur og viðhald á stafrænum upplýsinga- og viðskiptalausnum bankans. Deildin ber ábyrgð á högun, rekstri og framþróun viðskiptalausna Seðlabankans, en þar teljast til lausnir eins og MBK, Wallstreet, Bloomberg, Kodiak OMX, Nasdaq og Libra ásamt öðrum skilgreindum lausnum.

• Þátttaka í daglegum rekstri, vöktun og eftirliti með viðskiptakerfum bankans

• Samskipti við notendur og birgja um þróun og virkni kerfa

• Sjálfvirknivæðing í framkvæmd greiðslna og uppgjörsferla

• Þátttaka í prófunum og gangsetning uppfærslna

• Háskólamenntun sem nýtist í starfi

• Reynsla af bakvinnslu

• Haldbær þekking á SWIFT greiðsluskeytum

• Reynsla af rekstri fjármálakerfa kostur

• Áræðni, heiðarleiki og metnaður til að ná árangri í starfi.

• Góð færni í mannlegum samskiptum og árangursríkri teymisvinnu.

• Mjög góð færni í að tjá sig í ræðu og riti á íslensku og ensku.

Frekari upplýsingar um starfið veita Axel Kristinsson, forstöðumaður viðskiptalausna og vörustjórnunar axel.kristinsson@sedlabanki.is, og Árni Ragnar Stefánsson, mannauðsráðgjafi á sviði mannauðs og menningar (mannaudur@sedlabanki.is). Umsóknarfrestur er til og með 2. febrúar 2026.

Um er að ræða 100% starfshlutfall með starfsstöð í Reykjavík. Með umsókn þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans og er fólk af öllum kynjum hvatt til að sækja um. Laun greiðast samkvæmt kjarasamningi samtaka starfsmanna fjármálafyrirtækja. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin. Vakin er athygli umsækjenda á því að um ráðningarferlið gilda m.a. stjórnsýslulög nr. 37/1993, upplýsingalög nr. 140/2012 og lög um réttindi og skyldur starfsmanna ríkisins nr. 70/1996.

Seðlabanki Íslands er sjálfstæð stofnun í eigu ríkisins sem heyrir undir forsætisráðherra. Markmið bankans er að stuðla að stöðugu verðlagi, fjármálastöðugleika og traustri og öruggri fjármálastarfsemi. Þá skal bankinn sinna viðfangsefnum sem samrýmast hlutverki hans sem seðlabanka, svo sem að varðveita gjaldeyrisforða og stuðla að virku og öruggu fjármálakerfi. Hjá Seðlabankanum starfar öflug liðsheild og leggur bankinn ríka áherslu á metnaðarfullt og hvetjandi starfsumhverfi sem einkennist af fagmennsku, heilindum, auðmýkt og áræðni.