Sérfræðingur í jarðvísindum

Við hjá ÍSOR leitum að metnaðarfullum og drífandi sérfræðingi í spennandi verkefni á sviði jarðvísinda og sjálfbærrar nýtingar jarðrænna auðlinda með áherslu á virðisskapandi lausnir.

• Jarðvísindalegar rannsóknir og úrvinnsla gagna.

• Kortlagning á jarðfræði og rennslisleiðum í grunnvatns- og jarðhitakerfum.

• Fagleg ráðgjöf til verkkaupa og annarra hagaðila.

• Þátttaka í faglegum rannsóknarverkefnum.

• Ýmsar mælingar úti í mörkinni.

• Háskólapróf í jarðvísindum eða skyldum fögum (jarðfræði, jarðeðlisfræði, jarðefnafræði, verkfræði o.s.frv.) sem nýtist í starfi.

• Þekking á sviði grunnvatnsfræði kostur.

• Mjög góð almenn tölvukunnátta.

• Gott vald á íslensku og ensku, bæði í ræðu og riti.

• Frumkvæði, metnaður til árangurs og öguð vinnubrögð.

• Mjög góð samskiptahæfni og sveigjanleiki í starfi.

Um er að ræða starf á skrifstofu okkar í Kópavogi í 100% starfshlutfalli til eins árs með möguleika á framlengingu eftir stöðu verkefnasamninga. Verkefnin geta falið í sér vinnu á landsbyggðinni og langa vinnudaga á köflum. Við ráðningar er tekið mið af jafnréttisáætlun ÍSOR og hvetjum við öll kyn til að sækja um. Laun eru samkvæmt kjarasamningi fjármálaráðherra og hlutaðeigandi stéttarfélags.

Umsóknir geta gilt í hálft ár frá því að umsóknarfrestur rennur út.

Við bjóðum:

• Tækifæri til að vinna í fjölbreyttum og mikilvægum verkefnum á sviði orku- og umhverfismála.

• Nútímalega vinnuaðstöðu.

• Sveigjanlegan vinnutíma.

ÍSOR leggur áherslu á jöfn tækifæri starfsfólks, ánægða og árangursmiðaða liðsheild og framþróun. Metnaður ÍSOR er að vera í fararbroddi þekkingar á sviði sjálfbærrar nýtingar jarðrænna auðlinda og virðisskapandi lausna sem miða að því að koma jörðinni og fólki til góða.

Aðalstöðvar ÍSOR eru í Kópavogi og starfsstöð er á Akureyri.