Starfsmaður á skrifstofu embættis forseta Íslands

Embætti forseta Íslands auglýsir laust til umsóknar starf á skrifstofu embættisins. Viðkomandi ber ábyrgð á fjölbreyttum samskiptum og verkefnastjórn tengdum dagskrá forseta, bréfaskriftum, móttöku gesta á skrifstofu, málaskrá og málalyklum embættisins, sem og vinnu við skjalastjórn, skjalavörslu og ýmis önnur tilfallandi skrifstofustörf. Viðkomandi þarf að hafa góða tölvu- og tæknikunnáttu, ríka þjónustulund og gott vald á íslensku og ensku, bæði ritaðri og talaðri. Gerð er krafa um háskólapróf og/eða víðtæka starfsreynslu.

Um er að ræða áhugavert og fjölbreytt starf í krefjandi starfsumhverfi þar sem reynir á öguð vinnubrögð, ábyrgð og frumkvæði.

• Samskipta- og skjalakerfinu GoPro Foris eða sambærilegum kerfum.

• MS Office pakkanum, sérstaklega Outlook, Excel og Word.

• Vefumsjón og samfélagsmiðlum.

• Upplýsingaöflun, miðlun og frágangi mála í málaskrá.

• Þjónustu og gagnaöflun fyrir starfsmenn, stofnanir og almenning.

• Meðferð trúnaðarupplýsinga.

Nauðsynlegt er að viðkomandi sé lipur í samskiptum og tileinki sér umbótahugsun, geti starfað bæði sjálfstætt og í teymi og unnið skipulega sem og sveigjanlega, m.a. á miklum annatímum.

Umsókn óskast fyllt út á www.intellecta.is og þarf henni að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Umsóknir gilda í sex mánuði frá því að umsóknarfrestur rennur út. Áhugasamir einstaklingar, óháð kyni, eru hvattir til að sækja um. Öllum umsóknum verður svarað þegar ákvörðun um ráðningu hefur verið tekin. Um er að ræða fullt starf og eru laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Starfið er laust frá 1. ágúst 2026.