Útgáfa skjalanna markar mikilvægt skref í átt að samræmdri, ábyrgri og markvissri notkun gervigreindar í íslenskri heilbrigðisþjónustu.

Finna má skjölin hér.

Hagnýtar leiðbeiningar fyrir klínískt starf

Vegvísirinn veitir klínískum stjórnendum og fagfólki hagnýtar leiðbeiningar um mat, val og innleiðingu gervigreindarlausna, með áherslu á öryggi, gagnsæi og faglega ábyrgð. Jafnframt er undirstrikað að gervigreind eigi að styðja við klíníska ákvarðanatöku en aldrei koma í stað dómgreindar heilbrigðisstarfsfólks.

Næstu skref og sameiginleg viðmið

Verkáætlunin skilgreinir næstu skref í uppbyggingu stjórnskipulags, eftirfylgd innleiðingar og þekkingaruppbyggingu á þessu sviði. Markmið hennar er að skapa sameiginleg viðmið og stuðla að því að ávinningur af gervigreind nýtist sem best fyrir sjúklinga, starfsfólk og heilbrigðiskerfið í heild.

Grunnur að öruggri framtíð

Saman leggja skjölin grunn að ábyrgri og öruggri innleiðingu gervigreindar og styðja við áframhaldandi þróun íslenskrar heilbrigðisþjónustu á byltingarkenndum tímum stafrænnar framþróunar.