Skatturinn
Þessi frétt er meira en árs gömul
Birting álagningar lögaðila 2025
23. október 2025
Álagning lögaðila fer fram 31. október nk. og eru álagningarseðlar birtir á þjónustuvef Skattsins 23. október. Kröfur vegna innheimtu gjalda í kjölfar álagningar birtast í netbönkum sama dag.
Forsendur álagningar og skýringar á seðli
Skatturinn birtir ítarlegar upplýsingar um forsendur álagningar og skýringar á álagningarseðli. Farið er yfir skatta og gjöld sem lögð eru á í álagningu og af hvaða stofni þau eru reiknuð.
Kærufrestur er til 1. desember nk.
Auðkenning á þjónustuvef
Álagningarseðill lögaðila er birtur á þjónustuvef Skattsins og er þar aðgengilegur. Nauðsynlegt er að auðkenna sig við innskráningu með veflykli.
Innheimta skulda
Innheimta skatta og gjalda í kjölfar álagningar er í höndum innheimtumanns í hverjum landshluta. Á höfuðborgarsvæðinu er það í höndum Skattsins en utan þess viðkomandi Sýslumanns.
Gjalddagar eru tveir, 1. nóvember og 1. desember.
Nákvæma greiðslustöðu má sjá á mínum síðum á Ísland.is undir fjármál.
Dreifa greiðslum á lengra tímabil
Mögulegt er að fyrir lögaðila að sækja um að gera greiðsluáætlun og dreifa greiðslum á lengra tímabil.
Áætlanir – framtali ekki skilað
Hafi skattframtali lögaðila ekki verið skilað inn ber að skila því eins fljótt og auðið er. Enn er opið fyrir framtalsskil á þjónustuvef Skattsins.
Framtölum sem skilað var inn eftir framtalsfrest þann 30. september sl. fá í flestum tilfellum áætlun, en eru tekin fyrir og afgreidd sem kærur við fyrsta tækifæri.