Hugræn atferlismeðferð (HAM) er árangursrík meðferð til að takast á við lágt sjálfsmat. Sjálfsmat er viðhorf eða skoðun sem við höfum á okkur sjálfum. Neikvæð viðhorf valda oft vanlíðan og erfiðleikum í samskiptum.

Á námskeiðinu verður farið yfir:

• Hvernig sjálfsmat mótast

• Hvað viðheldur neikvæðum viðhorfum

• Hvernig hægt er að breyta eigin hugsun og hegðun

Fyrirkomulag

• Námskeiðið er ætlað átján ára og eldri.

• Námskeiðið felur í sér fræðslu, umræður og heimaverkefni.

• Hópnámskeið, hámark tólf manns í hverjum hópi.

• Tímalengd námskeiðisins er fimm vikur

  • Hist er einu sinni í viku, tvo tíma í hvert skipti.

• Staðsetning: Þönglabakki 1, 109 Reykjavík, 2. hæð (sami inngangur og Læknasetrið og Gáski).

Kostnaður

• Þátttakendur greiða 17.206 krónur fyrir námskeiðið.

Nánari upplýsingar

• Leiðbeinandi: Gyða Dögg Einarsdóttir, sálfræðingur.

• Umsjón með námskeiði: Heilsubrú Heilsugæslu höfuðborgarsvæðisins.

• Nánar um hugræna atferlismeðferð á vef Heilsuveru

Hægt er að fá frekari upplýsingar eða tilkynna forföll með tölvupósti á heilsubru@heilsugaeslan.is.