Réttindi varðandi persónuvernd á samfélagsmiðlum
Notendur samfélagsmiðla geta átt ýmiss konar réttindi á grundvelli persónuverndarlaga, sem geta komið að góðum notum þegar gætt er að persónuvernd og réttri meðferð persónuupplýsinga hjá miðlinum.
Einkum má benda á rétt notenda til aðgangs að persónuupplýsingum um þá sjálfa, og rétt þeirra til að láta leiðrétta eða eyða upplýsingum um sig við tilteknar aðstæður.
Ef einstaklingur er í vafa um það hverni hann getur nýtt rétt sinn samkvæmt persónuverndarlögum gagnvart samfélagsmiðli getur hann haft samband við samfélagsmiðilinn sjálfan og óskað eftir aðstoð og leiðbeiningum.
Ef einstaklingurinn er ekki sátt/sáttur við svörin sem hann fær, getur hann lagt fram formlega kvörtun til Persónuverndar.
Hafa skal í huga að réttindi einstaklinga samkvæmt persónuverndarlöggjöfinni gilda ávallt, óháð því hvort vinnsla persónuupplýsinga þeirra fer fram á samfélagsmiðlum eða annars staðar.