Ökuréttindi í atvinnuskyni

Þeir sem sækja um aukin ökuréttindi geta valið hvort þeir taka nám sem veitir atvinnuréttindi eður ei. Atvinnuréttindin eru veitt til fimm ára og þarf að endurnýja að þeim tíma liðnum. Til þess að fá endurnýjun þeirra þarf umsækjandi að hafa lokið fimm endurmenntunarnámskeiðum á síðustu fimm árum. 

Nánar er fjallað um endurmenntun atvinnubílstjóra á vef Samgöngustofu.

Tákntala 95 veitir rétt til að stjórna stórum bifreiðum í atvinnuskyni. Tákntala 450 veitir rétt til að keyra farþega í stórum bíl gegn gjaldi og tákntala 400 sýnir að ökumaður hafi rétt til farþegaflutninga í atvinnuskyni á fólksbíl.