Löggilding slökkviliðsmanna
Þú getur sótt um löggildingu sem slökkviliðsmaður hjá HMS.
Löggilding er viðurkenning á menntun og starfsreynslu slökkviliðsmanna.
Skilyrði
Þú verður að hafa lokið grunnnámi fyrir slökkviliðsmenn í Brunamálaskólanum eða sambærilegu námi sem fagráð skólans samþykkir.
Þú verður að hafa starfað í slökkviliði í eitt ár að aðalstarfi eða í fjögur ár í hlutastarfi.
Sækja um
Sótt er um löggildingu slökkviliðsmanna í gegnum Mínar síður á vef HMS.
Fylgigögn
Með umsókninni þarf að fylgja:
Eyðublað þar sem slökkviliðsstjóri staðfestir starfstíma þinn hjá slökkviliðinu.
Staðfesting á sambærilegri menntun ef þú laukst ekki grunnnámi í Brunamálaskólanum.
Umsókn um löggildingu samþykkt
Þú færð tölvupóst þegar umsókn hefur verið móttekin.
Þú getur fylgst með stöðu umsóknar á Mínum síðum hjá HMS.
Þegar umsókn hefur verið samþykkt færðu greiðsluseðil í heimabankann.
Þegar þú hefur greitt í heimabanka útbýr HMS skjal með löggildingu.
Þú færð skjalið afhent í bréfpósti.
Ekki er þörf á að endurnýja löggildinguna.
Gjald
Gjald fyrir löggildingu er 12.000 krónur.
Þjónustuaðili
Húsnæðis- og mannvirkjastofnun