Með persónulegum ráðgjafa er átt við einstakling sem fenginn er á vegum barnaverndarnefndar fyrst og fremst til að veita barni ráðgjöf og leiðbeiningar í þeim tilgangi að styrkja það félagslega og tilfinningalega svo sem í sambandi við tómstundir, menntun og vinnu skv. d-lið 24. gr. barnaverndarlaga.
Samband persónulegs ráðgjafa og barns byggist á gagnkvæmu trausti og vinsemd.
Umsóknarferli
Umsækjandi sækir um leyfi til GEV og skilar fylgigögnum
GEV kannar hvort nauðsynlegar upplýsingar og gögn fylgi umsókn
Umsagnarbeiðni er send til barnaverndarþjónustu í heimilisumdæmi umsækjanda
GEV tekur ákvörðun í málinu og upplýsir umsækjanda og barnaverndarþjónustuna um niðurstöðuna
Fylgigögn með umsókn
Heimild fyrir öflun sakavottorðs allra heimilismeðlima 15 ára og eldri. Prenta þarf út eyðublaðið og fylla það út
Læknisvottorð frá heimilislækni sem staðfestir líkamlegt og andlegt heilsufar umsækjanda
Ferilskrá umsækjanda
Lög og reglur sem eiga við um rekstrarleyfið:
-Lög um Gæða- og eftirlitsstofnun velferðarmála nr. 88/2021
-Barnaverndarlög nr. 80/2002
-Reglugerð um úrræði á ábyrgð sveitarfélaga samkvæmt ákvæðum barnaverndarlaga nr. 652/2004
Þjónustuaðili
Gæða- og eftirlitsstofnun velferðarmála