Leyfi Fiskistofu

Framkvæmdir sem nær eru veiðivatni en 100m, sem áhrif geta haft á lífríki vatnsins eða aðstöðu til veiði, eru háðar leyfi Fiskistofu.

Dæmi um framkvæmdir sem geta verið háðar leyfi Fiskistofu:

• bakkavörn

• efnistaka

• fiskvegagerð (laxastigar)

• vegagerð (brýr, ræsi)

• veiðistaðagerð

• virkjun

Leyfi Fiskistofu skal aflað áður en ráðist er í framkvæmd.

Fylgigögn umsóknar:

• Umsögn sérfræðings vegna hugsanlegra áhrifa framkvæmdarinnar á lífríki þess.

• Mat á því hvort framkvæmd samræmist lögum um stjórn vatnamála.

• Umsögn viðkomandi veiðifélags/veiðiréttareiganda vegna hugsanlegra áhrifa á aðstöðu til veiði.

• Upplýsingar um staðsetningu við veiðivatn (kort, hnit).

Við afgreiðslu umsókna metur Fiskistofa hvort framkvæmdir séu líklegar til að valda tjóni á lífríki fiskstofna í ferskvatni eða aðstöðu til veiði. Fiskistofa getur farið fram á að framkvæmdaraðili láti gera líffræðilega úttekt á veiðivatni áður afstaða er tekin til leyfisveitingar.

Hafa þarf í huga:

• Uppfylla þarf lagaskilyrði gagnvart viðkomandi landeigendum áður er framkvæmd hefst.

• Framkvæmdir við veiðivötn kunna að vera háðar framkvæmdaleyfi viðkomandi sveitafélags. 

• Framkvæmdir innan friðlýstra svæða eru háðar leyfi Umhverfisstofnunar.

Gild leyfi:

• Leyfi í gildi má sjá á Hafsjánni