Kerfiskennitala á utangarðsskrá

Einungis íslenskir lögaðilar geta sótt um kerfiskennitölu fyrir erlenda ríkisborgara. Umsóknir þurfa að berast rafrænt og með rafrænni auðkenningu. Með umsókninni staðfestir lögaðili að hann sæki um kerfiskennitöluna vegna sérstakrar nauðsynjar. Athugið að skráning á utangarðsskrá er eingöngu fyrir einstaklinga sem dvelja skemur en 3–6 mánuði á Íslandi eða hafa enga viðdvöl hér á landi. Skráningin veitir engin réttindi á Íslandi.

Ef erlendur ríkisborgari hyggst dvelja lengur en 3–6 mánuði á Íslandi og njóta réttinda hér á landi gildir eftirfarandi:

• EES/EFTA ríkisborgarar sem ætla að dvelja umfram þrjá mánuði sækja um: Skráning EES- eða EFTA-borgara í þjóðskrá til lengri tíma en 3 mán.

• Ríkisborgarar Norðurlanda sem ætla að dvelja umfram sex mánuði nota: Flutningur – frá Norðurlöndum til Íslands

Aðrir sækja skráningu til Útlendingastofnunar.