Kæra vegna velferðarmála

Hægt er að kæra ákvörðun stjórnvalds til úrskurðarnefndar velferðarmála, sé til þess heimild í lögum. Helstu málaflokkar sem heyra undir nefndina eru:

• málefni almannatrygginga (til dæmis ellilífeyrir, örorkulífeyrir, barnalífeyrir)

• atvinnuleysistryggingar og vinnumarkaðsaðgerðir

• félagsþjónusta og húsnæðismál (til dæmis fjárhagsaðstoð og félagslegt húsnæði)

• barnaverndarmál

• mál tengd greiðsluaðlögun hjá umboðsmanni skuldara

• fæðingarorlofsmál

• málefni fatlaðs fólks

• málefni eldra fólks

• sjúkratryggingamál

Kærufrestur er þrír mánuðir frá því að aðila máls var tilkynnt um viðkomandi ákvörðun, nema í barnaverndarmálum þar sem kærufresturinn er fjórar vikur og í málum sem snerta stjórnvaldsákvarðanir umboðsmanns skuldara og umsjónarmanna um greiðsluaðlögun þar sem kærufrestur er tvær vikur.

Einstaklingar geta sent kæru til nefndarinnar en það er einnig hægt að gera í umboði fyrir aðra. Upplýsingar sem fylgja þurfa kærunni svo nefndin geti tekið málið til umfjöllunar eru meðal annars:

Ef kærandi veitir öðrum umboð, til dæmis lögmanni eða réttargæslumanni, til þess að fara með málið fyrir sína hönd er nauðsynlegt að senda það umboð með kærunni.

Sjá einnig:

• Heimasíða úrskurðarnefndar velferðarmála

• Úrskurðir og álit nefndarinnar

• Lög um úrskurðarnefnd velferðarmála