Innflutningur eftirlitsskyldra efna er háður innflutningsleyfi útgefnu af Lyfjastofnun, sbr. III. kafla reglugerðar nr. 233/2001 um ávana- og fíkniefni og önnur eftirlitsskyld efni með síðari breytingum. Lyfjastofnun gefur út innflutningsleyfi og þau gilda út almanaksárið, nema fyrir ephedrine og pseudoephedrine, en sækja þarf um leyfi í hvert skipti sem lyfið er flutt inn. Sótt er um leyfi einu sinni á ári og renna öll leyfi út í lok árs óháð því hvenær sótt er um leyfin.
Um hver áramót þurfa innflytjendur senda upplýsingar til Lyfjastofnunar um hversu mikið hefur verið flutt inn árið á undan. Jafnframt þarf innflytjandi að gefa Lyfjastofnun upplýsingar um sölu á eftirlitsskyldum efnum óski Lyfjastofnun eftir þeim upplýsingum.
Hverjir geta sótt um?
Innflytjendur eftirlitsskyldra efna.
Afhending
Innflutningsleyfi eftirlitsskyldra efna eru alla jafna afgreidd innan við viku frá því umsókn berst og er leyfið sent með pósti til umsækjanda.
Kostnaður
Kostnaður er samkvæmt gjaldskrá Lyfjastofnunar.
Þjónustuaðili
Lyfjastofnun