Menntun í þýsku opnar dyr að málsvæði sem er Íslendingum mjög mikilvægt í menningar-, stjórnmála- og efnahagslegu tilliti. Þýska er móðurmál um 90 milljóna Evrópubúa og opinbert tungumál fimm evrópskra ríkja sem við tengjumst með margvíslegum hætti í alþjóðlegu samstarfi.

Er námið fyrir þig?

• Vilt þú fara í stutt og hnitmiðað þýskunám sem styrkir þig í starfi eða leik?

• Hefur þú áhuga á menningu og sögu Þýskalands?

• Hefur þú gaman af tungumálum?

• Talar þú þýsku?

Um hvað snýst námið?

Þetta diplómanám er hægt að fá metið að mestum hluta til BA-gráðu ef þú ákveður að halda áfram þýskunámi. Námsleiðina er hægt að taka í fjarnámi.

Diplómanámið er ætlað þeim sem vilja búa sig undir störf þar sem sérstaklega reynir á almenna og starfstengda þýskukunnáttu, til dæmis í viðskiptum, ferðaþjónustu og alþjóðasamskiptum, sem og nám og störf í þýskumælandi löndum.

Meðal viðfangsefna

• Tal og tjáskipti

• Málfræði og framburður

• Hagnýt þýska fyrir atvinnulíf

Markmið

Markmið eins árs diplómanáms í þýsku sem og náms í hagnýtri þýsku er að nemendur:

• bæti færni sína í talaðri og ritaðri þýsku og auki orðaforða sinn, einkum með tilliti til þátttöku í atvinnulífinu

• hljóti undirbúning undir störf í atvinnulífinu, t.d. í ferðaþjónustu, verslun og stjórnsýslu.

Kennsluhættir

Þýska er einkum kennd í æfinga- og umræðuformi og að nokkru leyti í formi fyrirlestra, auk þess sem heimavinna, fjölbreytt verkefnavinna og ritgerðasmíð er veigamikill þáttur í náminu.

Annað

• Sjá 180 eininga BA nám í Þýsku