Námið býr nemendur undir kennslu stærðfræði í grunnskóla. Námið er opið þeim sem hafa lokið B.Ed.-prófi í grunnskólakennslu með áherslu á stærðfræði, eða BA/BS-prófi í skyldum greinum. Grunnskólakennarar með leyfisbréf geti sótt námið óháð sérhæfingu í fyrra námi.

Nemendur ljúka MT gráðu án þess að skrifa 30 eininga lokaverkefni.

Er námið fyrir þig?

• Viltu kenna stærðfræði og tengdar greinar?

• Viltu taka þátt í að efla áhuga barna og ungmenna á stærðfræði?

• Viltu stuðla að góðri undirstöðumenntun nemenda í stærðfræði?

• Hefur þú áhuga á fræðilegu námi sem er fléttað saman við starfstengt vettvangsnám?

• Langar að stunda þverfaglegt nám með sterkri tengingu við skólastarf?

Um hvað snýst námið?

Í MT námi í kennslu stærðfræði býðst nemum að afla sér sérhæfðrar þekkingar á sviði stærðfræðimenntunar. Vettvangsnám er fléttað inn í fræðileg námskeið og þannig fá nemar traustan undirbúning fyrir starf í grunnskóla.

Megintilgangur námsins er að veita þeim sem vilja starfa við kennslu og miðlun stærðfræði trausta sérþekkingu á stærðfræði og kennslufræði stærðfræðinnar.

Uppbygging náms

Námið er 120 einingar og er sett upp sem fullt nám til tveggja ára en einnig er hægt að stunda hlutanám til allt að fjögurra ára.

Kjörsvið

Nemendur velja eitt af eftirfarandi kjörsviðum miðað við fyrra nám:

• Fimm ára kennaranám, fyrir nemendur með B.Ed. próf

• Kennslufræði grunnskóla að loknu BA/BS-prófi

• Stærðfræði fyrir kennara með leyfisbréf

Mikilvægt er að velja kjörsvið eftir bakgrunni nemanda.

Helstu áherslur

• Kennsla stærðfræðilegra viðfangsefna, svo sem talnareiknings, líkindareiknings og tölfræði, rúmfræði og algebru í grunnskólum

• Reiknihugsun og líkanagerð

• Notkun stærðfræðiforrita og upplýsingatækni við miðlun og nám í stærðfræði

• Virkar kennsluaðferðir og vaxtarhugarfar sem stuðla að skilningi á stærðfræði

• Nám sem samræða í stærðfræði

• Algengur misskilningur og forhugmyndir nemenda í stærðfræði

• Rannsóknaraðferðir

• Kennsla á vettvangi

• Tenging við skólastarf

Markmið

Sérhæfing námsleiðarinnar á að búa nema undir kennslu í stærðfræði í grunnskóla með námskeiðum í stærðfræði og af fræðasviðinu stærðfræðimenntun.

Annað

Við brautskráningu úr kennaranámi við íslenska háskóla skal kennari búa yfir hæfni í íslensku sem samsvarar að lágmarki C1 í Evrópska tungumálarammanum.

Hér má sjá Tungumálaramma Evrópuráðsins.

• Námið veitir rétt til þess að sækja um kennsluréttindi sem að gildir fyrir þrjú skólastig, leikskóla, grunnskóla og framhaldsskóla.

• Námsleiðin er á meistarastigi 2.1 en ljúka þarf gráðu af meistarastigi 2.2 ef sækja á um í doktorsnám. Námið veitir aðgang að námi á meistarastigi 2.2.

• Sjá M.Ed. nám í kennslu stærðfræði