Í smáríkjafræði er fjallað um þau tækifæri sem smáríki í alþjóðasamfélaginu standa frammi fyrir og þá veikleika sem þau þurfa að vinna bug á. Sérstök áhersla er lögð á að greina stöðu smáríkja í Evrópu einkum með tilliti til Evrópusamrunans. Einnig er sérstaklega fjallað um stöðu Íslands í alþjóðasamfélaginu sem og stöðu Íslands í Evrópu.

Er námið fyrir þig?

• Vilt þú hafa möguleikann á því að halda áfram í MA nám í alþjóðasamskiptum?

• Langar þig að starfa á alþjóðavettvangi?

• Vilt þú kynnst betur þeim möguleikum og hindrunum sem smáríki standa frammi fyrir?

• Hefur þú lokið BA- eða BS-námi?

Um hvað snýst námið?

Viðbótardiplóma í smáríkjafræðum er stutt 30 eininga námsleið fyrir þau sem lokið hafa BA- eða BS-námi í einhverri grein.

Að loknu námi ættu nemendur að hafa góða þekkingu á hvaða stöðu smáríki innan Evrópu hafa gagnvart alþjóðasamfélaginu, skýra mynd af þeim möguleikum og þeim hindrunum sem smáríki standa frammi fyrir bæði innanlands og á alþjóða vettvangi og skilning á því hvernig smáríki innan Evrópu hafa brugðist við alþjóðlegum áskorunum.

Uppbygging náms

Ljúka þarf 30 einingum fyrir lokapróf og miðað við fullan námshraða má ljúka náminu á einu misseri.

Námið skiptist í:

• Skyldunámskeið á sviði smáríkjafræða, 26 einingar

• Námskeið í bundnu vali á sviði smáríkjafræða, 4 einingar.

Meðal viðfangsefna

• Kenningar í smáríkjafræðum

• Utanríkismál Íslands

• Áskoranir og tækifæri smáríkja

Fyrirkomulag kennslu

Námið er kennt á ensku og kennslubækur eru á ensku. Nemendur þurfa að hafa góða þekkingu á enskri tungu.

Meginmarkmið

Meðal annars er miðað að því að nemendur:

• Nemandi hafi almennan skilning á kenningum og hugtökum tengdum smáríkjafræðum.

• Nemandi hafi víðtæka yfirsýn og aukinn skilning á viðfangsefnum smáríkjafræða.

Annað

Nemendur sem sækja um í meistaranám í alþjóðasamskiptum geta fengið námið metið, að uppfylltum inntökuskilyrðum.

• Sjá meistaranám í alþjóðasamskiptum.