Háskólanám

MA nám í afbrotafræði er ný námsleið þar sem meðal annars er lögð áhersla á afbrot og ýmisskonar frávikshegðun, réttar- og löggæslukerfið, lög og réttlæti, ásamt stöðu Íslands í samanburði við aðrar þjóðir.

Námið er kennt á ensku.

Er námið fyrir þig?

• Hefur þú áhuga á lögum, réttlæti og íslenskri refsistefnu?

• Langar þig að skoða afbrot á Íslandi í alþjóðlegu samhengi?

• Ert þú með grunn úr félagsfræði eða hefur þú áhuga á að bæta við þig nauðsynlegum grunni?

• Langar þig í nám sem stertir á ýmsum flötum samfélagsins?

• Viltu fræðast um afbrotafræði, þolendafræði, kynjafræði, réttlætisfræði og heilbrigðisvísindi?

Um hvað snýst námið?

Meistaranám í afbrotafræði er opið flestum nemendum sem lokið hafa grunnnámi úr háskóla með fyrstu einkunn.

Ef nemandi hefur ekki grunn í félagsfræði er gerð forkrafa um að nemandi taki eftirfarandi námskeið aukalega:

• FÉL204G Aðferðarfræði: Rannsóknaraðferðir félagsvísinda

• FÉL306G Tölfræði I

• Námskeið í kenningum tekið samhliða MA námi

Val stendur á milli kjörsviðs í akademískri og hagnýtrar afbrotafræði. Í akademískri afbrotafræð er lögð áhersla á rannsóknastörf en í hagnýtri afbrotafræði er meiri áhersla á hagnýtar hliðar afbrotafræðinnar.

Einnig er boðið upp á 30 eininga viðbótardiplóma í félagsfræði með afbrotafræði sem kjörsvið.

Uppbygging náms

Námið er 120 einingar og er sett upp sem fullt nám til tveggja ára.

Námið skiptist mismunandi eftir þvi hvort kjörsviðið er valin:

Akademísk afbrotafræði:

• Skyldunámskeið, 10 einingar

• Bundið val, 40 einingar

• Frjálst val, 10 einingar

• Lokaritgerð, 60 einingar

Hagnýt afbrotafræði:

• Skyldunámskeið, 60 einingar

• Bundið val, 10 einingar

• Frjálst val, 20 einingar

• Lokaritgerð, 30 einingar

Fyrirkomulag kennslu

Námið er kennt er á ensku fyrir utan fyrir utan valnámskeið annarra námsbrauta sem geta verið kennd á íslensku. Nemendur geta valið um hvort lokaverkefni sé skilað á íslensku eða ensku.

Erlendir umsækjendur, sem ekki hafa ensku að móðurmáli, þurfa að sýna fram á góða þekkingu á enskri tungu

Meginmarkmið

Meðal annars er miðað að því að nemendur:

• breikki og dýpki þekkingu sína í afbrotafræði.

• öðlist yfirsýn yfir afbrot á Íslandi í alþjóðlegu samhengi

• kunni skil á hlutverki og ólíkum tegundum réttarvörslukerfa

Annað

Rætur afbrotafræðinnar liggja í félagsfræði en greinin er í eðli sínu þverfagleg. Framhaldsnám í afbrotafræði getur því hentað nemendum með grunn háskólagráðu úr flestum greinum. Nemendur í afbrotafræði erlendis hafa fjölbreyttan grunn, til dæmis úr félagsfræði, sálfræði, lögfræði, lögreglufræði eða hagfræði.

Námið getur hentar fólki sem starfar eða hefur starfað í réttarvörslukerfinu mjög vel. Afbrotafræði er hugsuð fyrir fólk sem hefur áhuga á félagslegu samhengi afbrota, refsinga og löggæslu.

Nemendur okkar í framhaldsnámi hafa tekið hluta námsins í starfsþjálfun hjá Fangelsismálastofnun og unnið að verkefnum sem tengjast málaflokki afbrota.

Námið veitir aðgang að doktorsnámi.

• Sjá allt doktorsnám við Félagsfræði-, mannfræði- og þjóðfræðideild