Ísland.is

Háskóli Íslands

Til baka í yfirlit

Hlusta

Íslenskukennsla

Umsókn um háskólanám

MA - 120 einingar

ISCED flokkur: 0232

Markmið meistaranáms í íslenskukennslu er að veita nemendum kennslufræðilega og vísindalega þjálfun og undirbúning fyrir kennslu íslensku í efri bekkjum grunnskóla og framhaldsskólum.

Að loknu meistaraprófi í íslenskukennslu geta nemendur fengið leyfisbréf sem framhaldsskólakennarar.

Er námið fyrir þig?

Langar þig að öðlast kennsluréttindi?
Getur þú séð fyrir þér að kenna íslensku í grunn- eða framhaldsskóla?
Vilt þú öðlast þekkingu á almennri kennslufræði og góða þekkingu á kennslufræði íslensku?
Viltu opna dyr þínar að doktorsnámi?

Um hvað snýst námið?

Hér er um að ræða starfsmiðað réttindanám fyrir starfandi og verðandi íslenskukennara í framhaldsskólum. Jafnframt er það undirbúningur fyrir störf sem fela í sér umsjón með íslenskukennslu í skólum eða fræðsluumdæmum.

Námið er skipulagt og kennt í samvinnu við Menntavísindasvið og ljúka nemendur 60 einingum í kennslufræði og 60 einingum í íslensku.

Uppbygging náms

Námið er 120 einingar og er sett upp sem fullt nám til tveggja ára.

Námið skiptist í:

Skyldunámskeið, 30 einingar
Vettvangsnám, 10 einingar
Valnámskeið, 50 einingar
Lokaverkefni, 30 einingar

Námið er ýmist samsett eða samþætt og velja nemendur hvorn kostinn þeir taka.Sjá nánari upplýsingar um skipulag náms til MA-prófs í Menntun framhaldsskólakennara

Fyrirkomulag kennslu

Námið er kennt á íslensku, kennslubækur eru á íslensku, ensku eða öðrum erlendum málum.

Kennslan fer fram í formi fyrirlestra, umræðna og margs kyns verkefnavinnu og ritgerðasmíði. Námsmat fer langoftast fram með ritgerðum og/eða fyrirlestrum.

Í kennslufræðihluta námsins sinna nemendur æfingakennslu í framhaldsskóla. Lögð er áhersla á virka þátttöku nemenda í kennslunni og í kennslufræðihlutanum er mikil hópvinna.

Meginmarkmið

Markmið meistaranáms í íslenskukennslu er að veita nemendum kennslufræðilega og vísindalega þjálfun og búa þá undir að kenna íslensku í efri bekkjum grunnskóla og í framhaldsskólum.

Annað

Að loknu meistaraprófi í íslenskukennslu geta nemendur fengið leyfisbréf sem framhaldsskólakennarar.

Ma próf í íslensku veitir aðgang að doktorsnámi.

Sjá nánar á vef háskóla

Námsstig: Meistaranám, MA

Hefst: Haustönn 2025

Námstími: 2 ár

Umsóknartímabil: 1. mars 2025 - 15. apríl 2025

Námsform: Staðnám

BA-próf með fyrstu einkunn í íslensku sem aðalgrein (a.m.k. 120e) eða jafngildi þess. Nemendur sem hafa lokið B.Ed.-prófi með íslensku sem kjörsvið eru einnig teknir í námið skv. sérstökum reglum. Þeir þurfa að bæta við sig BA-námskeiðum í íslensku til að ná samtals 120e í íslenskunámskeiðum úr B.Ed.- og BA-námi. Nemandi skal hafa tekið a.m.k. 10 eininga lokaverkefni.

Umsækjendur um þessa námsleið athugið:
Á rafrænu umsóknareyðublaði skal velja Menntun framhaldsskólakennara, MA, 120 einingar, og kjörsviðið Íslenskukennsla.

Við brautskráningu úr kennaranámi við íslenska háskóla skal kennari búa yfir hæfni í íslensku sem samsvarar að lágmarki C1 í Evrópska tungumálarammanum, sbr. reglugerð nr. 1355/2022.

Í upphafi fyrsta misseris úthlutar námsbrautarformaður sérhverjum meistaranema umsjónarkennara sem leiðbeinir nemandanum um skipulag námsins, val námskeiða og hvers konar atriði og reglur sem tengjast náminu. Umsjónarkennari skal ávallt vera akademískur starfsmaður í föstu starfi við námsbrautina. Meistaranám í íslenskukennslu er ýmist samsett eða samþætt og velja nemendur hvorn kostinn þeir taka, en yfirleitt er heppilegt að byrja á kennslufræðiþætti námsins. Samsett nám skiptist í 60e í kennslufræði á Menntavísindasviði og 60e í íslensku á Hugvísindasviði. Af því eru 30e í meistaranámskeiðum í málfræði og bókmenntum (að lágmarki 10e í hvoru) og 30e ritgerð. Samþætt nám skiptist í 40e í kennslufræði á Menntavísindasviði og 40e í meistaranámskeiðum í íslensku (málfræði og bókmenntum, að lágmarki 10e í hvoru) á Hugvísindasviði. Þriðji hlutinn er samvinna milli sviðanna og felst í 30e ritgerð og 10e námskeiði. Í samþættu námi skulu ritgerðarleiðbeinendur vera tveir, hvor af sínu sviði. Nemandi sem tekur MA-nám í íslenskukennslu uppfyllir öll skilyrði til að fá réttindi sem íslenskukennari á framhaldsskólastigi. Við lok þriðja misseris skal sérhver meistaranemi hafa komið sér niður á ritgerðarefni og fundið sér leiðbeinanda í samráði við námsbrautarformann

Meðferð persónuupplýsinga

Menningar-, nýsköpunar- og háskólaráðuneytið