Námið hefur það að meginmarkmiði að efla þekkingu kennaranema á list- og verkgreinum og gera þá sem hæfasta til að miðla þekkingu sinni í grunnskólakennslu. Námið er í nánum tengslum við vettvang og vettvangsnám er samþætt fræðilegum undirbúningi fyrir frekara nám og starf í grunnskóla. Hægt er að sérhæfa sig á fimm ólíkum kjörsviðum, þ.e. textíll og hönnun, hönnun og smíði, sjónlistir - myndmennt, leiklist og tónmennt. Fjarnám að mestu eða hluta.

Er námið fyrir þig?

• Viltu verða kennari?

• Hefur þú áhuga á að efla þekkingu ungs fólks á list- og verkgreinum?

• Viltu vinna fjölbreytt verkefni undir handleiðslu helstu sérfræðinga landsins í menntunarfræðum?

• Hefur þú gaman af handverki, listsköpun og nýsköpun?

• Viltu fjölbreytt úrval námskeiða sem eru á þínu áhugasviði?

• Langar þig að eiga möguleika á krefjandi framtíðarstarfi?

Um hvað snýst námið?

Námið er fræðilegt og starfstengt 180 eininga grunnnám, ætlað þeim sem hyggjast leggja fyrir sig kennslu í grunnskólum. Í flestum námskeiðum er hægt að velja annað hvort staðnám eða fjarnám. Mætingarskylda er í vettvangsnám. Kennsla fer að jafnaði fram vikulega í rauntíma á stað- eða fjarfundum, nema annað sé tekið fram. Í verklegum námskeiðum eru staðbundnar lotur með vinnusmiðjum og getur verið mætingarskylda í þær. Fyrirkomulag um staðlotur og mætingarskyldu liggur fyrir í kennsluáætlunum við upphaf hvers misseris.

Þú getur valið um fimm kjörsvið á námsleiðinni.

Markmiðið er að veita þér sem besta þekkingu og færni í verklegum og fræðilegum greinum á þínu kjörsviði og undirstrika hversu mikilvægur þáttur listir og skapandi starf er í grunnskólum og daglegu lífi.

Meðal viðfangsefna

Þú tekur sameiginleg kjarnafög með öðrum nemendum í Deild faggreinakennslu.

• Kennsluaðferðir

• Nútímasamskipti

• Aðferðafræði og menntarannsóknir

• Íslenska

• Stærðfræði

• Læsi og lestrarkennsla

• Þroska- og námssálfræði

• Vettvangsnám

Áherslur viðfangsefna fara eftir því hvaða kjörsvið þú velur þér.

• Hönnun og smíði

  • Silfursmíði

  • Hönnun glerhluta og nytjahluta

  • Kennslufræði hönnunar og smíði

  • Hönnun og smíði leikfanga

• Leiklist

  • Leiklist, sögur og frásagnir

  • Leiklistarkennarinn

  • Frá hugmynd til sýningar

  • Kennsluaðferðir leiklistar

• Sjónlistir: Myndmennt

  • Málun og teiknun

  • Íslensk listasaga

  • Myndlist, náttúra og samfélag

  • Sjónlistir

• Textíll og hönnun

  • Nýsköpun í textíl

  • Textílaðferðir

  • Fata- og textílhönnun

  • Kennslufræði í textíl

• Tónmennt

  • Tónlistarleikir til náms og þroska

  • Popptónlist og spjaldtölvur

  • Tónmenntakennsla

  • Söngur og kórstjórn

Annað

Við brautskráningu úr kennaranámi við íslenska háskóla skal kennari búa yfir hæfni í íslensku sem samsvarar að lágmarki C1 í Evrópska tungumálarammanum.

Hér má sjá Tungumálaramma Evrópuráðsins.