Háskólanám

Helstu markmið með meistaranámi í þýðingum eru að undirbúa nemendur fyrir störf á vettvangi þýðinga eða sem fræðimenn, stundum hvort tveggja. Þetta er nám sem tengir saman fræði og framkvæmd alveg frá upphafi og nemendur fá mikla æfingu í hinum praktíska þætti námsins samhliða hinum fræðilega.

Er námið fyrir þig?

• Getur þú hugsað þér að vinna á vettvangi þýðinga?

• Langar þig að læra að þekkja helstu aðferðir orðræðugreiningar og tengsl þeirra við þýðingar?

• Vilt þú fá öðlast nákvæma þekkingu og skýran skilning á hugtökum, aðferðum og kenningum þýðingafræða?

• Hefur þú áhuga á nytja-, skjala- eða skáldsagnaþýðingum?

Um hvað snýst námið?

Meistaranám í þýðingafræði er fræðilegt framhaldsnám.

Fyrri hluti námsins getur falist í hagnýtu námi í þýðingum. Að jafnaði byggist nám í þýðingafræðum til MA-prófs hins vegar á því að nemandi ljúki hluta námsins á meistarastigi í öðrum greinum Hugvísindasviðs eða við skóla erlendis.

Uppbygging náms

Námið er 120 einingar og er sett upp sem fullt nám til tveggja ára.

Námið skiptist í:

• Þýðingafræði, 30 einingar

• Íslenska, 20 einingar

• Erlend mál, 30 einingar

• Lokaritgerð, 30 einingar

Kjörsvið

Nemendur velja á milli eftirfarandi kjörsviða:

• Þýðingafræði - þýska

• Þýðingafræði - spænska

• Þýðingafræði - danska

• Þýðingafræði - franska

• Þýðingafræði - enska

• Þýðingafræði - önnur tungumál

Fyrirkomulag kennslu

Kennsla fer fram á íslensku og ensku en flestar kennslubækur eru á ensku eða öðrum erlendum málum.

Meginmarkmið

Meistaranám í þýðingafræði hefur það helst að markmiði að þjálfa þýðendur til starfa sem fræðimenn og þýðendur bókmennta og fræðitexta.

Annað

• Einnig er boðið upp á þýðingarfræði til viðbótarprófs á meistarastigi, 60e.

MA-próf í Íslensku- og menningardeild veitir rétt til að sækja um doktorsnám.

• Sjá doktorsnám í þýðingafræði

• Sjá upplýsingar um doktorsnám við Hugvísindasvið