Í meistaranámi í nýsköpun og viðskiptaþróun fá nemendur góðan undirbúning fyrir nýsköpun í fjölbreyttu samhengi.

Námsleiðin er unnin í samvinnu Viðskiptafræðideildar og Iðnaðarverkfræði-, vélaverkfræði- og tölvunarfræðideildar.

Er námið fyrir þig?

• Vilt þú stofna þitt eigið fyrirtæki?

• Langar þig að læra að hrinda hugmyndum í framkvæmd?

• Vilt þú öðlast góðan skilning á heildarferli nýsköpunar og viðskiptaþróunar?

• Hefur þú áhuga á því að tileinka þér færni við rannsóknir og hagnýtingu fræðanna?

• Getur þú hugsað þér að starfa við nýsköpun?

Um hvað snýst námið?

Í nýsköpun og viðskiptaþróun öðlast nemendur góðan skilning og færni, bæði við rannsóknir og hagnýtingu á fræðunum á sviði nýsköpunar og viðskiptaþróunar, frumkvöðlafræði og þróun viðskiptalíkana.

Undirstaða námsins er námskeið um framkvæmd nýsköpunar sem nær yfir tvær lotur. Þar vinna nemendur saman að umfangsmiklu verkefni sem felur í sér afurðaþróun með viðskiptalegar forsendur í forgrunni. Verkefnið getur sprottið úr sjálfstæðu viðskiptatækifæri eða komið úr ranni samstarfsfyrirtækja.

Uppbygging náms

Námið er 120 einingar og er skipulagt sem fullt ár til tveggja ára.

Námið skipist í:

• 90 einingar í námskeiðum

• 30 eininga lokaverkefni

Fyrirkomulag kennslu

Námið er kennt í 7 vikna lotum, sem þýðir 2 lotur á misseri eða 4 lotur á ári. Nemendur fá þannig meiri dýpt og fókus á hvert námskeið.

Námið er kennt á íslensku en flestar bækur eru á ensku.

Meginmarkmið

Námið miðar að því að nemendur verði færir um að vinna að nýsköpun í fjölbreyttu samhengi, hvort sem það er með stofnun eigin fyrirtækja, störfum innan sprota- eða vaxtarfyrirtækja, eða við viðskiptaþróun stærri fyrirtækja.

Annað

Námið veitir aðgang að doktorsnámi.

• Sjá lista yfir allt doktorsnám við HÍ