Í kínverskum fræðum öðlast nemendur vald á kínverskri tungu og ritmáli sem og skilning á fjölmörgum hliðum kínverskrar menningar, margbrotnum pólitískum og samfélagslegum birtingarmyndum í kínverskum samfélögum nútímans og hinu blómlega og spennandi viðskiptalífi í Kínverska alþýðulýðveldinu.

Er námið fyrir þig?

• Hefur þú áhuga á að læra undirstöðuatriði kínverskunnar?

• Viltu öðlast skilning á kínverskri heimspeki, sögu og menningu?

• Hefur þú áhuga á samfélags- og viðskiptafræði?

• Viltu fjölbreytt úrval námskeiða sem eru á þínu áhugasviði?

• Langar þig að eiga möguleika á krefjandi framtíðarstarfi?

• Viltu ná þér í grunndiplóma í kínverskum fræðum?

Um hvað snýst námið?

Þetta nám er 60 eininga diplómanám. Eftir diplómanám er möguleiki að halda áfram og þá getur þú mögulega fengið námskeið úr diplómanáminu metin inn í BA-nám í kínverskum fræðum.

Ástundun kínverskra fræða gerir þér kleift að tjá þig á og skilja hversdagslegt kínverskt mál og öðlast haldbæra þekkingu á menningarsamfélagi sem verið hefur í samfelldri mótun í yfir 3000 ár en kristallast um þessar mundir í einu öflugasta ríki heims.

Kína er fjölmennasta ríki og annað stærsta hagkerfi veraldar. Umsvif þessa stórveldis eru svo mikil á flestum sviðum mannlífs í heiminum að á 21. öldinni getur engin þjóð heimsins leyft sér að vera án sérfræðinga sem eru læsir á gildismat, stefnu og markmið Kína.

Meðal viðfangsefna

• Saga Kína

• Kínversk málnotkun

• Kínversk textagreining

• Samfélagsmál Kína

• Stjórnmál Kína

• Efnahags- og viðskiptalíf Kína

• Kínversk heimspeki

• Kínversk trúarbrögð

• Kínversk kvikmyndalist

Markmið

Markmið námsins er að gera nemendum kleift að fá skilning á þessu fjarlæga og spennandi menningarsamfélagi fyrir tilstilli sterkrar undirstöðu í tungu, sögu og samfélagsrýni.

Nemendur fá:

• færni í akademískum vinnubrögðum

• vald á kínverskri tungu

• þekkingu á sögulegum og heimspekilegum forsendum kínversks samtíma

• innsýn í þróun, breytingar og stefnu kínversks samfélags samtímans

• skilning á veigamestu birtingarformum kínverskrar menningar

Hagnýtt gildi

Kína er fjölmennasta ríki og annað stærsta hagkerfi veraldar. Umsvif þessa stórveldis eru svo mikil á flestum sviðum mannlífs í heiminum að á 21. öldinni getur engin þjóð heimsins leyft sér að vera án sérfræðinga sem eru læsir á gildismat, stefnu og markmið Kína.

Hlutverk Kína í vísindum, stjórnmálum, viðskiptum, ferðamennsku, íþróttum, menningarmálum og listum verður sífellt umfangsmeira á heimsvísu. Námið greiðir því götuna fyrir ýmsa starfstengda möguleika á ofangreindum sviðum sem og fjölda annarra.

Einnig er hægt er að taka kínversku sem:

• 180 eininga BA nám

• 120 eininga aðalgrein

• 60 eininga aukagrein