Fötlunarfræði er þverfagleg fræðigrein sem leggur áherslu á að þróa félagslegan skilning á fötlun og rannsaka þátt menningar og umhverfis í að skapa og viðhalda fötlun.

Markmið námsins er að veita nemendum fræðilega og hagnýta þekkingu á fjölbreytilegum þáttum sem varða fatlað fólk og málefni þess.

Er námið fyrir þig?

• Hefur þú áhuga á málefnum fatlaðs fólks?

• Vilt þú efla fræðilega þekkingu og skilning á fötlun?

• Eru mannréttindi þér hugleikin?

• Langar þig í fræðilegt og hagnýtt nám?

Um hvað snýst námið?

Meistaranám í fötlunarfræði er tveggja ára nám ætlað þeim sem vilja efla fræðilega þekkingu sína á fötlun og málefnum fatlaðs fólks. Nemendur geta sérhæft sig á ákveðnum sviðum allt eftir áhuga hvers og eins.

Mögulegt er að ljúka námsleiðinni alfarið eða að mestu leyti í fjarnámi. Námskeið eru almennt skipulögð þannig að námið fer fram á netinu og gert er ráð fyrir rauntímaþátttöku á netfundum og/eða í staðlotum. Þó að mögulegt sé að ljúka námsleiðinni alfarið í fjarnámi getur verið að einhver valnámskeið séu eingöngu í boði í staðnámi.

Uppbygging náms

Námið er 120 einingar og er sett upp sem fullt nám til tveggja ára eða í hlutanámi til allt að fjögurra ára.

Nemendur velja á milli eftirfarandi kjörsviða:

• Fötlunarfræði

• Fötlunarfræði og opinber stjórnsýsla

Fyrirkomulag kennslu

Námið er kennt á íslensku en flestar kennslubækur eru á ensku.

Meginmarkmið

Markmið námsins er að efla fræðilega og hagnýta þekkingu um fatlað fólk og málefni þess og að mennta fólk til leiðandi starfa.

Annað

Námið veitir aðgang að doktorsnámi.

• Sjá doktorsnám í fötlunarfræði

• Sjá allt doktorsnám við Félagsfræði-, mannfræði- og þjóðfræðideild