Í meistanámi í alþjóðaviðskiptum og verkefnastjórnun er lögð áhersla á stjórnun alþjóðlegra fyrirtækja og á stjórnun alþjóðlegra verkefna.

Námið undirbýr nemendur fyrir starfsferil í alþjóðaviðskiptum og er alfarið kennt á ensku.

Er námið fyrir þig?

• Hefur þú áhuga á alþjóðlegum verkefnum?

• Getur þú hugsað þér starfsferil í alþjóðaviðskiptum?

• Langar þig að starfa hjá alþjóðlegu fyrirtæki?

• Vilt þú auka þekkingu þína á samkeppnishæfni og stjórnarháttum?

Um hvað snýst námið?

Í MA námi í alþjóðaviðskiptum og verkefnastjórnun er farið ýtarleg í skipulagningu og framkvæmd verkefna og stjórnun verkefna við rekstur alþjóðafyrirtækja.

Námsleiðin samanstendur af átta námskeiðum og lokaritgerð sem hægt er að ljúka á einu ári og kennsla fer fram á ensku.

Uppbygging náms

Námið er 90 einingar og er sett upp sem fullt nám í eitt ár.

Námið skiptist í:

• Skyldunámskeið, 45 einingar

• Valnámskeið, 15 einingar

• Lokaverkefni, 30 einingar

Fyrirkomulag kennslu

Kennt er samkvæmt lotukerfi og er hver lota sjö vikur. Á hverju misseri eru tvær lotur og eru tvö námskeið kennd samhliða, samtals 8 námskeið á tveimur misserum. Með þessu móti geta nemendur einbeitt sér betur að hverju námskeiði. Ritgerð er skrifuð að sumri og skilað í byrjun september, nemendur útskrifast í október.

Námið er eingöngu kennt á ensku og kennslubækur er á ensku. Erlendir umsækjendur, sem ekki hafa ensku að móðurmáli, þurfa að sýna fram á góða þekkingu á enskri tungu.

Meginmarkmið

Meðal annars er miðað að því að nemendur:

• öðlist góðan skilning og þekkingu á sviði alþjóðaviðskipta og stjórnunar alþjóðlegra verkefna.

• geti greint starfsumhverfi alþjóðafyrirtækja og stofnana, unnið að stefnumótun og innleiðingu stefnu í slíkum fyrirtækjum og stofnunum.

Annað

Námið veitir aðgang að doktorsnámi.

• Sjá doktorsnám í viðskiptafræði