Framhaldsnám í safnafræði miðar að því að auka skilning nemenda á flestum þáttum hefðbundins safnastarfs og samþáttun fræðilegra vinnubragða, rannsókna og kenninga.

Áhersla er lögð á að gefa nemendum kost á að kynnast ítarlega safnastarfi og jafnframt að fylgjast með því sem hæst ber erlendis. Heimsóknir á söfn og menningarstofnanir eru mikilvægur þáttur í náminu.

Er námið fyrir þig?

• Vilt þú öðlast gagnrýna sýn á hugtakið menning?

• Ert þú með reynslu af safnastörfum eða viltu öðlast hana?

• Vilt þú einstakt tækifæri til að kynnast fjölbreyttri starfsemi safna?

• Hefur þú áhuga á því að stunda fjarnám?

Um hvað snýst námið?

MA nám í safnafræði er tveggja ára hagnýtt rannsóknarnám þar sem fjallað er um stór og smá söfn af ýmsu tagi. Safnafræði er þverfræðileg fræðigrein því að segja má að söfnum sé ekkert óviðkomandi.

Hluti námsins fer fram í starfsnámi sem veitir nemendum einstakt tækifæri til þekkingaröflunar og reynslu á því sérsviði sem nemandinn hefur áhuga á. Starfsnám á safni er valið í samráði við umsjónarkennara og getur farið fram á safni innanlands eða erlendis

Uppbygging náms

Námið er 120 einingar og skipulagt sem fullt nám til tveggja ára.

Námið skiptist í:

• Skyldunámskeið, 45 einingar

• Valnámskeið, 25 einingar

• Starfsnám, 20 einingar

• Meistararitgerð, 30 einingar

Meðal viðfangsefna

• Sýningargerð og sýningarstjórnun

• Markmið safna, skipulag þeirra og rekstur

• Rannsóknir

• Varðveisla, skráning og miðlun þekkingar

Fyrirkomulag kennslu

Námið er kennt á íslensku en flestar bækur eru á ensku.

MA-nám í safnafræði er alfarið kennt í fjarnámi að undanskildu starfsnámi. Starfsreynslu nemenda á safni er mögulegt að fá metna til allt að 20 eininga, að höfðu samráði við umsjónarkennara.

Einnig er í boðið upp á 30 eininga diplómanám í safnafræði.

Meginmarkmið

Miðað er að því að auka skilning nemenda á flestum þáttum hefðbundins safnastarfs og samþáttun fræðilegra vinnubragða, rannsókna og kenninga. Áhersla er lögð á að gefa nemendum kost á að kynnast ítarlega safnastarfi og jafnframt að fylgjast með því sem hæst ber erlendis.

Annað

Námið veitir aðgang að doktorsnámi.

• Sjá doktorsnám í safnafræði

• Sjá allt doktorsnám við Félagsfræði-, mannfræði- og þjóðfræðideild