Er áhugasvið þitt hegðun, samskipti og hugsun fólks? Langar þig að skilja hvernig heilinn starfar? Hefur þú gaman af því að rannsaka, hlusta og fræða? Leitar þú að grunnnámi sem veitir góð atvinnutækifæri eða möguleika á fjölbreyttu framhaldsnámi? Kynntu þér BS-nám í sálfræði.

Er námið fyrir þig?

• Er áhugasviðið þitt hegðun og hugsun manna?

• Langar þig að skilja hvernig heilinn starfar?

• Viltu vinna fjölbreytt verkefni undir handleiðslu helstu sérfræðinga landsins í sálfræði?

• Hefur þú gaman af því að rannsaka, hlusta og fræða?

• Viltu fjölbreytt úrval námskeiða sem eru á þínu áhugasviði?

• Langar þig að eiga möguleika á krefjandi framtíðarstarfi?

Um hvað snýst námið?

Í BS námi í sálfræði er lögð áhersla á aðferðir vísindanna og gagnrýna hugsun.

Sálfræði er fræði- og faggrein um sálarlíf frá víðu sjónarhorni. Greinin á uppruna sinn í heimspeki, læknisfræði og náttúruvísindum.

Í öllum námskeiðum leysa nemendur úr verkefnum sem reyna á færni við rannsóknir og fræðimennsku. Nemendum gefst líka kostur á að gerast aðstoðarmenn í rannsóknum kennara og búa sig þannig undir framtíðarstörf.

Meðal viðfangsefna

• Þroskasálfræði

• Félagsleg sálfræði

• Persónuleikasálfræði

• Skyn- og hugfræði

• Klínísk sálfræði

• Atferlisgreining

• Megindleg sálfræði

• Aðferðafræði

• Saga sálfræðinnar

• Lífeðlisleg sálfræði

• Öldrunarsálfræði

• Íþróttasálfræði

Í BS-náminu er lögð áhersla á aðferðir vísindanna og gagnrýna hugsun.

Skilningur á rannsóknum og kenningum í sálfræði er efldur sérstaklega í námskeiðum um aðferðafræði rannsókna, tölfræði, mælinga- og próffræði og í námskeiðum um sögu og eðli sálfræðinnar.

Í valnámskeiðum er gjarnan fjallað um hagnýtar undirgreinar á borð við íþróttasálfræði, klíníska barnasálfræði, heilsusálfræði, umhverfissálfræði og öldrunarsálfræði. Einnig geta nemendur í sálfræði tekið valnámskeið í öðrum deildum háskólans.

Í öllum námskeiðum leysa nemendur úr verkefnum sem reyna á færni við rannsóknir og fræðimennsku. Nemendum í BS-námi gefst líka kostur á að gerast aðstoðarmenn í rannsóknum kennara og búa sig þannig undir framtíðarstörf.

Ekki er skylt að gera BS-ritgerð í Sálfræðideild. Nemendum sem vilja sleppa við lokaverkefni er heimilt að taka valnámskeið þess í stað.

Þeir sem hyggjast starfa sem sálfræðingar þurfa að ljúka framhaldsnámi í Klínískri sálfræði að loknu BS-náminu.

Annað

Einnig er hægt að taka sálfræði sem:

• 120 eininga aðalgrein

• 60 eininga aukagrein

Meira um Aðal- og aukagreinar undir Hjálplegt efni neðst á síðunni.