Háskólanám

Háskóli Íslands

Til baka í yfirlit

Hlusta

Íslenska sem annað mál, hagnýtt nám

Umsókn um háskólanám

Diplómapróf - 60 einingar

ISCED flokkur: 0232

Eins árs nám fyrir nemendur með litla færni í íslensku.

Umsóknarfrestur er til 20. maí fyrir umsækjendur sem búa á Íslandi og eru með íslenska kennitölu.

Er námið fyrir þig?

Vilt þú læra að tala og lesa einfalda íslensku?
Langar þig að geta bjargað þér á íslensku í daglegu lífi?
Vilt þú auka möguleika þína á virkri þátttöku í íslensku samfélagi?
Vilt þú öðlast færni til að taka áframhaldandi háskólanám í íslensku sem öðru máli?

Um hvað snýst námið?

Í Hagnýtri íslensku er byggð upp hagnýt grunnþekking á íslensku máli: málkerfi, orðaforða, skilningi og tjáningu. Nemendur geta einnig valið sér námskeið um íslenska menningu sem hluta af náminu. Megináhersla er lögð á tjáskipti og hagnýta málnotkun þannig að nemendur öðlist grundvallarfærni í skilningi og tjáningu á íslensku máli. Allir færniþættir eru þjálfaðir: munnleg færni, samskipti, ritunarfærni, hlustunar- og lesskilningur. Markmiðið er að nemendur geti tjáð sig við allar almennar aðstæður daglegs lífs, skilið umræðu er lýtur að hversdagslífi og lesið og skilið einfalda texta. Einnig er ætlast til að nemendur tileinki sér sjálfstæð vinnubrögð og námsaðferðir til að geta haldið íslenskunámi sínu áfram.

Nám í Hagnýtri íslensku sem öðru máli eykur möguleika fólks af erlendum uppruna á virkri þátttöku í íslensku samfélagi og atvinnulífi. Nám í Hagnýtri íslensku sem öðru máli veitir nemendum einnig grunn til að takast á við frekara nám í íslensku sem öðru máli.

Aðgangur að frekara námi

Fyrsta einkunn (7,25) veitir aðgang að BA-námi í íslensku sem öðru máli og Íslenskustoð

Kröfur um færni í íslensku

Námið er sniðið að nemendum með lítinn grunn í íslensku. Nemendur skulu hafa náð A1 samkvæmt Evrópska tungumálarammanum áður en námið hefst. Sjá til dæmis:

Umsóknarfrestur

1. febrúar fyrir alþjóðlega umsækjendur.
20. maí fyrir umsækjendur sem eru búsettir á Íslandi og hafa íslenska kennitölu.

Nauðsynlegt er að sækja um í gegnum Umsóknagátt HÍ. Umsóknir sem berast í gegnum tölvupóst verða ekki teknar til greina.

Kennsla

Nemendur í fullu námi sækja staðkennslu tvo morgna eða tvö síðdegi í viku á mánudögum/þriðjudögum og miðvikudögum/fimmtudögum. Einnig verður í boði staðkennsla fjögur síðdegi í viku, frá 16:40 til 18:10, ef næg þátttaka næst. Fjarnám verður einnig í boði og sækja nemendur tíma fjóra morgna í viku, frá 8:20 til 9:50, eða fjögur síðdegi í viku, frá 16:40 til 18:10, mánudaga til fimmtudaga, ef næg þátttaka næst. Nemendur velja sér hóp í ágúst, áður en kennsla hefst. Framboð tíma í stundatöflu ræðst af þátttöku og getur breyst milli haustmisseris og vormisseris. Vakin er athygli á að fjarnámið er aðeins í boði fyrir nemendur með búsetu á Íslandi.

Öllum nemendum hagnýta diplómanámsins, fjarnemum þar með töldum, ber að taka miðmisseris- og lokapróf á staðnum við Háskóla Íslands, Háskólann á Akureyri, Háskólasetur Vestfjarða eða aðra viðurkennda prófstaði.

Við upphaf skólaárs

Kennsla hefst i lok ágúst. Skráðir nemendur geta skoðað handbók hagnýta námsins eftir að þeir hafa fengið nemendaaðgang.

Athugið: Síðasti dagur til að hefja nám er 3. september 2026.

Sjá nánar á vef háskóla

Námsstig: Grunnnám, Diplómapróf

Hefst: Haustönn 2026

Námstími: 1 ár

Umsóknartímabil: 28. febrúar 2026 - 20. maí 2026

Námsform: Staðnám eða Fjarnám

Erlent ígildi íslensks stúdentsprófs eða sambærilegt próf. Nánari upplýsingar er að finna í 17. grein reglna um inntökuskilyrði í grunnnám nr. 331-2022. Frekari upplýsingar eftir landi má finna hér. Auk þess þurfa erlendir nemendur sem ekki hafa ensku að móðurmáli að sýna fram á enskukunnáttu með TOEFL (79 eða jafngildi eftir 21. janúar 2026), IELTS (6.5). eða PTE Academic (58). Prófið má ekki vera meira en tveggja ára gamalt. Fleiri leiðir til að sýna fram á enskukunnáttu er að finna hér.

Nemendur skulu hafa náð A1 samkvæmt Evrópska tungumálarammanum áður en námið hefst. Nemendur þreyta sérstakt inntökupróf til að sýna fram á færni sem samsvarar A1. Nánari upplýsingar um inntökupróf má finna hér.

Allir umsækjendur, sem uppfylla fyrrgreind inntökuskilyrði, skulu þreyta skriflegt inntökupróf sem reynir á færni á A1-stigi. Umsækjendur búsettir á Íslandi þreyta skriflegt inntökupróf sem staðpróf á Íslandi en umsækjendur búsettir erlendis þreyta prófið sem fjarpróf á netinu. Þeir sem ná skriflega fjarprófinu (lágmarkseinkunn 6,0 af 10) skulu jafnframt þreyta munnlegt próf í gegnum fjarfundabúnað sem reynir á A1-færni og er ætlað að auðkenna próftaka. Lágmarkseinkunn í munnlega prófinu er 6,0 af 10.

ATH. Þann 4. desember 2025 samþykkti háskólaráð að háskólaárið 2026-2027 myndi fjöldi nemenda í Íslensku sem annað mál – hagnýtt nám, diplómapróf takmarkast við 50 fyrir umsækjendur með ríkisfang frá ríki utan Evrópska efnahagssvæðisins (EES). Undanþegnir takmörkuninni eru ríkisborgarar Sviss, Grænlands og Færeyja, auk þeirra sem hafa ótímabundið dvalarleyfi eða dvalarleyfi sem getur verið grundvöllur að ótímabundnu dvalarleyfi hér á landi.

Nái fleiri en 50 umsækjendur, sem takmörkunin nær til, lágmarkseinkunn á munnlega prófinu skulu þeir 50 sem hæsta einkunn hlutu á munnlega prófinu teknir inn í námið.]

Til að brautskrást með diplómu í hagnýtri íslensku þurfa allir nemendur að ljúka eftirtöldum sex námskeiðum: Orðaforði og málfræði I, Tal og tjáning I og Hljóð og hlustun I á haustmisseri; Orðaforði og málfræði II, Tal og tjáning II, Hljóð og hlustun II á vormisseri. Athugið að aðeins er hægt að taka Orðaforða og málfræði II, Tal og tjáningu II, Hljóð og hlustun II hafi nemandi lokið Orðaforði og málfræði I, Tal og tjáning I og Hljóð og hlustun I.

Til viðbótar þurfa nemendur að ljúka samtals 20 ECTS-einingum í bundnum valnámskeiðum. Vinsamlegast athugið að nemendur geta aðeins valið eitt af eftirtöldum námskeiðum: ÍSE014G Íslensk menning eða MEX020G Icelandic Nature and Cultural Legacy. Ef nemandi tekur bæði námskeiðin mun aðeins annað þeirra teljast hluti af 20 ECTS-eininga bundnu vali. Skráning í valnámskeiðið Sjálfsnám í íslensku II er ekki háð því að hafa lokið Sjálfsnám í íslensku I. Til þess að brautskrást frá Íslensku- og menningardeild þarf stúdent að ná meðaleinkunninni 6,0, sbr. 114. gr. í Reglum fyrir Háskóla Íslands nr. 569/2009.