Námsleiðin eru ætluð kennurum með leyfisbréf og með reynslu af kennslu.Markmið námsleiðarinnar er að þátttakendur geti styrkt sig sem fagfólk í námi og kennslu í skóla án aðgreiningar í fjölmenningarsamfélagi, sem og hæfni sína til að leiða skólastarf á þeim grunni. Fjarnám.

Er námið fyrir þig?

• Ert þú með leyfisbréf til kennslu?

• Langar þig að styrkja þig sem fagmanneskju í starfi?

• Vilt þú taka þátt í því að skapa menningu í skólastarfi þar sem styrkleikar bæði nemenda og kennara fá að njóta sín?

• Hefur þú áhuga á félagslegu réttlæti?

Um hvað snýst námið?

Í meistaranámi í menntun allra og stoðþjónusta er sjónum einkum beint að því hvernig búa má börn og ungmenni með ólíkar forsendur til náms, aðstæður til að þroskast og læra í samfélagi við aðra.

Lögð er áhersla á að nemendur tileinki sér að hafa manngildi, lýðræði og félagslegt réttlæti að leiðarljósi.

Uppbygging náms

Námið er 120 einingar og er skipulagt sem fullt nám til tveggja ára eða hlutanám í þrjú til fjögur ár.

Námið skiptist í:

• Skyldunámskeið, 20 einingar

• Bundið val, 70 einingar

• Lokaverkefni, 30 einingar

Fyrirkomulag kennslu

Kennsla og próf fara fram á íslensku.

Námskeið eru ýmist kennd í fjarnámi með rauntímaþátttöku á netfundum og/eða staðlotum, eða á kennt á staðnum. Mismunur er á fyrirkomulagi á milli námskeiða og skulu nemendur kynna sér fyrirkomulag hvers námskeiðs vel.

Meginmarkmið

Meðal annar er miðað að því að nemendur:

• tileinki sér virðingu fyrir margbreytileika nemenda og geti nýtt þau tækifæri í kennslu sem verða til í fjölbreyttum hópi

• þrói með sér námshæfni og sjálfstæð vinnubrögð til að takast á við áframhaldandi nám og faglega þróun

• öðlist hæfni til að taka frumkvæði að þróunarverkefnum á sviði skóla án aðgreiningar og fjölmenningar, geti stýrt þeim og axlað ábyrgð á framkvæmd þeirra

Annað

Við brautskráningu úr kennaranámi við íslenska háskóla skal kennari búa yfir hæfni í íslensku sem samsvarar að lágmarki C1 í Evrópska tungumálarammanum.

Hér má sjá Tungumálaramma Evrópuráðsins.

Námið getur veitt aðgang að doktorsnámi.

• Sjá upplýsingar um doktorsnám á Menntavísindasviði