Háskólanám

Hagnýt námsleið fyrir þau sem lokið hafa BA- eða BS-námi í einhverri grein. Nám í opinberri stjórnsýslu greiðir leið og styrkir nemendur í starfi á fjölbreyttum og lifandi starfsvettvangi, jafnt hjá stofnunum ríkis og sveitarfélaga, sem og í starfi hjá félagasamtökum.

Er námið fyrir þig?

• Vilt þú fara í stutt en hagnýtt nám sem þú getur stundað samhliða vinnu?

• Langar þig að auka þekkingu þína á stjórnun og stjórnsýslu hins opinbera?

• Starfar þú eða hefur þú áhuga á að starfa hjá ríki, sveitafélögum eða félagasamtökum?

• Hentar þér vel að fara í fjarnám?

Um hvað snýst námið?

30 eininga hagnýtt nám í opinberri stjórnsýslu greiðir þér leið og styrkir þig í starfi á fjölbreyttum og lifandi starfsvettvangi, jafnt hjá stofnunum ríkis og sveitarfélaga, sem og í starfi hjá félagasamtökum.

Uppbygging náms

Námið er 30 einingar og sett upp sem hlutanám til eins árs.

Nemendur velja á milli eftirfarandi kjörsviða:

• Opinber stjórnsýsla

• Opinber stjórnsýsla fyrir stjórnendur í heilbrigðisþjónustu

Meðal viðfangsefna

• Ólíkar aðferðir sem notaðar eru til opinberrar stefnumótunar

• stjórnunaraðferðir í mannauðsstjórnun

• Skipulag og þróun opinberrar stjórnsýslu

• Grundvallarhugtök stjórnsýslufræðanna

• Íslensk stjórnvöld

• Íslenska stjórnsýslukerfið

Fyrirkomulag kennslu

Námið er kennt á íslensku en kennslubækur eru á ensku.

Meginmarkmið

Meðal annars er miðað að því að nemendur öðlist þekkingu á:

• uppbyggingu íslenska stjórnsýslukerfisins

• grundvallarhugtökum sem varða stjórnsýslukerfið, verkefni stjórnvalda og meðferð stjórnsýslumála

• þróun opinberrar stjórnsýslu

Annað

Nemendur sem sem sækja um meistaranám í opinberri stjórnsýslu MPA og fá heimild til að innritast í það fá örnám sitt metið að fullu (30e) inn í MPA-námið.

• Sjá MPA nám í opinberri stjórnsýslu