Ísland.is

Háskóli Íslands

Til baka í yfirlit

Hlusta

Viðskiptafræði

Umsókn um háskólanám

BS - 120 einingar

ISCED flokkur: 0488

Viðskiptafræði sem aðalgrein 120e byggir á sterkum grunni almennra viðskiptafræðigreina eins og fjármálafræði, markaðsfræði, reikningshaldi, rekstrarhagfræði og stjórnun. Námið veitir nemendum færi á að læra aðra 60 eininga námsgrein samhliða viðskiptafræði.

Er námið fyrir þig?

Hefur þú áhuga á stjórnun og markaðsfræði?
Langar þig að kynnast fjármálafræði, reikningshaldi og rekstrarhagfræði?
Finnst þér spennandi að taka hluta námsins í öðru fagi?
Viltu almenna og þverfaglega menntun?

Um hvað snýst námið?

Viðskiptafræði sem 120 eininga aðalgrein þýðir þú þarft að taka 60 eininga aukagrein í öðru fagi, ef þú stefnir á að ljúka BS prófi.

Námið er sett upp sem fullt nám til tveggja ára og allar 120 einingarnar eru í skyldunámskeiðum.

Meðal mögulegra aukagreina má nefna:

hagfræði
stjórnmálafræði
fjölmiðlafræði
heimspeki
lögfræði

Þessi upptalning er ekki tæmandi. Hér má sjá lista yfir allt nám sem boðið er upp á sem aukagrein í grunnnámi.

Þú finnur frekari upplýsingar um Aðalgreinar og aukagreinar í grunnnámi undir Hjálplegt efni, neðst á síðunni.

Annað

Viðskiptafræði er einnig hægt að taka sem:

Sjá nánar á vef háskóla

Námsstig: Grunnnám, BS

Hefst: Vorönn 2025

Námstími: 2 ár

Umsóknartímabil: 15. september 2025 - 1. desember 2025

Námsform: Staðnám

Til að hefja BS-nám við viðskiptafræðideild skal nemandi hafa lokið stúdentsprófi eða sambærilegu prófi að mati deildarinnar.
Æskilegur undirbúningur er minnst 15 einingar (25 fein*) í ensku og íslensku (þar af a.m.k. 10 einingar af þriðja hæfniþrepi í hvorri grein) og að minnsta kosti 12 einingar (20 fein*) í stærðfræði (þar af a.m.k. 5 einingum á þriðja hæfniþrepi).

Þá teljast nemendur einnig uppfylla inntökuskilyrði Viðskiptafræðideildar sem lokið hafa einhverri af þremur eftirfarandi aðfararnámsbrautum:

viðskiptafræðigrunni háskólagrunns Háskólans í Reykjavík;
viðskipta- og hagfræðideild við háskólabrú Keilis;
háskólagátt frá Háskólanum á Bifröst, enda hafi viðkomandi lokið að minnsta kosti 10 fein, af 3.hæfniþrepi í íslensku og ensku og að minnsta kosti 5 fein af 3.hæfniþrepi í stærðfræði.

Ljúka þarf 120 ECTS einingum í aðalgrein ásamt 60 ECTS einingum í aukagrein. Prófgreinar til BS-gráðu í viðskiptafræði eru 20 skyldunámskeiðum sem eru 6 einingar hvert. Eitt þessara skyldufaga er BS ritgerð, 6e. Að auki taka nemendur 60 eininga aukagrein í annarri deild. Ljúka þarf 180 einingum fyrir lokapróf. Til að standast próf þarf að ná einkunninni 5,0 eða hærra. Til að útskrifast frá Viðskiptafræðideild þarf stúdent að ná meðaleinkunninni 6,0.

Meðferð persónuupplýsinga

Menningar-, nýsköpunar- og háskólaráðuneytið