Tvö kjörsvið:

• Líffræði

• Sjávar- og vatnalíffræði

Líffræðin er víð fræðigrein og spannar allt frá minnstu lífefnafræðilegu sameindum upp í risastór flókin vistfræðikerfi.

Er námið fyrir þig?

• Hefur þú áhuga á rannsóknum?

• Vilt þú auka sérhæfingu þína á ákveðnu sviði líffræðinnar?

• Hefur þú áhuga á uppbyggingu og virkni sjávar- og vatnavistkerfa?

• Vilt þú ná aukinni færni í lestri og umfjöllun rannsóknargreina?

• Langar þig í nám sem fer fram bæði úti á vettvangi og inni á rannsóknarstofu?

• Langar þig að kafa dýpra í erfðafræði?

Um hvað snýst námið?

Líffræðin er fræðilegt og rannsóknarmiðað nám þar sem nemendur vinna við rannsóknir við deildina en einnig á öðrum rannsóknarstofnunum svo sem Landspítala, Umhverfisstofnun, Matís og Hafrannsóknarstofnun.

Námið er 120 einingar og er sett upp sem fullt nám til tveggja ára og boðið er upp á tvö kjörsvið, Líffræði og Sjávar- og vatnalíffræði.

Kjörsvið: Líffræði

Algengast er að meistaraverkefni sé 90 einingar og námskeið eða annað nám kemur þá á móti þar til 120 einingum er náð.

Námið er kennt á Íslensku og ensku í sumum tilvikum. Kennslubækur eru á ensku eða Norðurlandamáli og fyrirlestranótur á íslensku.

Meðal viðfangsefna

• Bygging og starfsemi fruma

• Erfðir og hvernig eiginleikar erfast á milli lífvera

• Einkenni tegunda og aðgreining þeirra

• Innri starfsemi lífvera og hegðun

• Samfélög og vistkerfi og áhrif mannsins á þessi kerfi

Meginmarkmið kjörsviðs
Miðað er að því að nemendur:

• öðlist færni í sjálfstæðum vinnubrögð í alþjóðlegu umhverfi

• öðlist færni til þess að stunda rannsóknir og afla nýrrar þekkingar

• þrói með sér gagnrýna hugsun um hvernig vísindi virka

Kjörsvið: Sjávar- og vatnalíffræði

Efni námskeiða og verkefna byggja á sérfræðiþekkingu starfsmanna við Háskóla Íslands og Hafrannsóknarstofnunar sem sjá um kennsluna og einnig samstarfsaðila á Íslandi. Möguleiki er á að vinna rannsóknarverkefni við aðrar rannsóknarstofnanir.

Viðfangsefni námskeiða og mögulegra verkefna munu endurspegla þessa þekkingu í fiskifræði, vatnalíffræði, sjávarvistfræði, haffræði og umhverfisfræði og einnig notkun ólíkra aðferða við rannsókir á lífríkinu þ.á.m. notkun líkana og tölfræði við stofnstærðarmat, greiningu á kvörnum, hljóðum og merkingum, nýtingu útlits og erfðaupplýsinga við rannsóknir á lífríki ferskvatns og sjávar, bæði samfélögum og stofnum lífvera til dæmis fiska, sjávarspendýra og fugla.

Meginmarkmið kjörsviðs
Miðað er að því að nemendur:

• breikki og dýpki þekkingu sína á völdu sérsviði innan líffræði og öðlist kerfisbundinn skilning á nýjustu þekkingu á því sviði og rannsóknaraðferðum.

• geti sett saman og þróað viðeigandi aðferðir í líffræði í því skyni að svara rannsóknaspurningum á sínu sérsviði.

• geti sett fram nýjar tilgátur sem snerta eigin rannsóknaviðfangsefni.

Nánari upplýsingar
Námsleiðin er í boði sem kjörsvið innan MS náms í líffræði. Þar af leiðandi skal sækja um í MS nám í líffræði en tilgreina í greinargerð að nemandi sé að sækja um nám í sjávar- og vatnalíffræði.

Nánari upplýsingar um námið og umsóknir veita Nemendaþjónusta VoN (mssens@hi.is ), Arnar Pálsson (apalsson@hi.is) og Theodór Kristjánsson (theodor.kristjansson@hafogvatn.is).

Annað

Framhaldsnám í líffræði er oft styrkt eða launað.

Meistaragráða í líffræði opnar möguleika á doktorsnámi.

• Sjá doktorsnám í líffræði

• Sjá allt doktorsnám á Verkfræði- og náttúruvísindasviði