Háskólanám

Ísland er ungt og mjög virkt land og því er jarðfræði mikilvægt fag á Íslandi.

Meistaranám í jarðfræði er rannsóknartengt framhaldsnám þar sem megin áhersla er lögð á stórt rannsóknarverkefni sem nemendur vinna sjálfstætt undir leiðsögn kennara Jarðvísindadeildar eða sérfræðings Jarðvísindastofnunar.

Er námið fyrir þig?

• Vilt þú auka sérhæfingu þína á ákveðnu sviði jarðfræðinnar?

• Hefur þú áhuga á orku og auðlindum jarðar?

• Vilt þú ná aukinni færni í rannsóknum?

• Langar þig að læra meira um endurnýjanlega orku?

• Skipta lofslagabreytingar þig máli?

Um hvað snýst námið?

MS nám í jarðfræði er tveggja ára rannsóknartengt framhaldsnám við Jarðvísindadeild Verkfræði- og náttúruvísindasviðs Háskóla Íslands.

Rannsóknarþátturinn skiptir megin máli í meistaranáminu og er það helsta breytingin frá grunnnáminu.

Nemendur fá þjálfun í greiningu og túlkun gagna á sviði náttúruvísinda en jarðfræði er undistaða í vöktun á margskonar náttúruvá.

Uppbygging náms

Námið er 120 einingar og er skipulagt sem fullt nám til tveggja ára.

Námið skiptist í:

• Skyldunámskeið, 7,5 - 17,5 einingar

• Valnámskeið, 102,5 - 112,5 einingar

• Meistaraverkefni, 60 einingar

Mikið er um valnámskeið og geta nemendur þá sniðið námið eftir sínu áhugasviði.

Val er á milli eftirfarandi tveggja kjörsviða:

• Jarðfræði

• Endurnýjanleg orka - jarðhitavísindi

Fyrirkomulag kennslu

Kennsla fram á íslensku og/eða ensku en kennslubækur eru almennt á ensku.

Meginmarkmið

Að nemendur eflist og styrkist í rannsóknum og öðlist mikilvæga þjálfun í greiningu og túlkun gagna á sviði náttúruvísinda.

Að nemendur tileinki sér þekkingu á sérhæfðu sviði innan jarðfræði.

Annað

Meistaragráða í jarðvísindum opnar möguleika á doktorsnámi.

• Jarðeðlisfræði, doktorsnám

• Jarðfræði, doktorsnám

• Jarðvísindi, doktorsnám

• Sjá allt doktorsnám á Verkfræði- og náttúruvísindasviði