Gjafabréf og inneignarnótur
Gjafabréf og inneignarnótur gilda á þeim forsendum sem um er samið.
Ekki geyma gjafabréf of lengi! Skoðið vel skilmála og gildistíma.
Gildistími gjafabréfs og inneignarnótu gagnvart seljanda, og þeim sem hann kann að framselja verslunarrekstur sinn til, er allt að fjögur ár frá útgáfudegi nema um annað sé samið.
Gildistíma inneignarnótu má stytta samkvæmt leiðbeinandi verklagsreglum um inneignarnótur. Sé gildistími styttri en fjögur ár skal taka það sérstaklega fram við útgáfu inneignarnótunnar sem og á nótunni sjálfri.
Komi nýr eigandi að fyrirtæki gilda gjafabréf og inneignarnótur enn sem fyrr gagnvart þeim sem seljandi framselur verslunarrekstur sinn til. Ef um er að ræða nýtt fyrirtæki er hins vegar ekki hægt að gera kröfu um að nýta gjafabréf og inneignarnótur.
Verði seljandinn gjaldþrota á gildistímabili gjafabréfs eða inneignarnótu er hægt að gera kröfu í þrotabúið. Sú krafa er hins vegar sjaldnast mikils virði. Komi ný verslun í stað þess sem varð gjaldþrota er ekki hægt að gera kröfu á hendur henni.
Gjafabréf og inneignarnótur gilda að öðru leyti samkvæmt þeim forsendum sem um er samið.
Komi upp ágreiningur milli neytanda og seljanda vegna gjafabréfs og inneignanóta sem ekki næst að leysa úr er hægt að leita til kærunefndar vöru- og þjónustukaupa.
Vert að skoða
Lög og reglugerðir
Þjónustuaðili
Neytendastofa