Geislahlífar og áhrif röntgengeisla upplýsingar fyrir sjúklinga

Þar sem gerðar eru rannsóknir með röntgengeislun eiga að vera til staðar leiðbeiningar um geislavarnir sjúklinga. Löng hefð er fyrir notkun geislahlífa á sjúklinga en breytingar á notkun þeirra hafa verið í farvatninu um nokkurt skeið. Almennt er ekki mælt með notkun blýhlífa nema í undantekningartilvikum. Ekki er mælt með notkun blýhlífa fyrir kynkirtla, fóstur, brjóst eða augastein. Nota má blýhlífar fyrir skjaldkirtil í tannlækningum en þó er ekki mælt sérstaklega með því.