Umsókn um styrk úr Framkvæmdasjóði ferðamannastaða 2026-2027

Framkvæmdasjóður ferðamannastaða veitir styrki vegna framkvæmda á ferðamannastöðum og ferðamannaleiðum í eigu eða umsjón sveitarfélaga og einkaaðila.

Umsóknarfrestur

Sérstök áhersla 2026-2027

Í þessari úthlutun er lögð sérstök áhersla á minna sótt svæði og lengingu ferðatímabils. Gæðamat umsókna mun taka mið af þessari áherslu. Umsækjendur eru hvattir til að kynna sér nýtt gæðamatsblað sjóðsins á vef Ferðamálastofu.

Umsóknir

Umsækjandi er beðinn um að velja annaðhvort umsókn I eða II eftir eðli verkefnisins.

I. Þjónusta/aðstaða á ferðamannastað eða ferðamannaleið

Þegar um er að ræða:

• Verkefni á stað, sem ekki er nú þegar skilgreindur sem ferðamannastaður en viðkomandi hefur áhuga að gera hann að slíkum – ný uppbygging.

• Nýja þjónustu eða aðstöðu á þegar skilgreindum ferðamannastað. Framkvæmdin mun auka afköst staðarins/svæðisins og/eða tengist öryggi eða náttúruvernd.

II. Úrbætur vegna náttúruverndar og/eða öryggis á ferðamannastað eða ferðamannaleið

Þegar um er að ræða:

• Verkefni þar sem verið er að bæta eða lagfæra núverandi aðstöðu á ferðamannastað sem tengist öryggi eða náttúruvernd.

• Verkefni sem miða að auknum afköstum við móttöku ferðamanna en þjónustustig er ekki hækkað. Ef um skipulags- og/eða byggingarleyfisskylda framkvæmd er að ræða, þá þarf að velja umsókn I – (Ný) þjónusta/aðstaða á ferðamannastað / ferðamannaleið.

Sjóðnum er heimilt að fjármagna framkvæmdir er snúa að:

• Öryggi ferðamanna.

• Náttúruvernd, viðhaldi og uppbyggingu ferðamannastaða og ferðamannaleiða.

• Fjármögnun undirbúnings- og hönnunarvinnu sem er nauðsynleg vegna áðurgreindra framkvæmda. Fyrirhuguðu verkefni skal í umsókn lýst svo skilmerkilega að mögulegt sé að meta styrkhæfi þess.

Sjóðnum er ekki heimilt, meðal annars:

• Að bera rekstrarkostnað af mannvirkjum og vegna náttúruverndarsvæða eða annarra ferðamannastaða.

• Að fjármagna framkvæmdir sem eru á landsáætlun um uppbyggingu innviða til verndar náttúru og menningarsögulegum minjum.

• Að veita fjármagni til verkefna sem þegar er lokið.
  

Ábending varðandi innskráningu

Athugið að innskráningartími í umsóknarkerfinu eru 45 mínútur frá því að smellt er á „Halda áfram“ hnappinn. Eftir það þarf umsækjandi að skrá sig inn aftur. Við mælum því eindregið með því að smella á „Halda áfram“ hnappinn reglulega til þess að umsækjandi haldast innskráður.