Fölsk fyrirmæli

Fyrirmælasvik beinast að fyrirtækjum og samtökum þar sem starfsmaður fær tölvupóst sem virðist koma frá stjórnanda, öðrum samstarfsmanni eða fyrirtæki en er í raun frá glæpamanni. Í póstinum er starfsmaðurinn oft beðinn um að millifæra pening sem allra fyrst eða breyta launareikningi.

Svikararnir hafa oft brotist inn í tölvukerfi og senda mjög sannfærandi falska pósta. Þeir nýta sér sérstaklega óvissutímabil, eins og þegar nýtt starfsfólk kemur til starfa, við skipulagsbreytingar eða í fríum.

1. Tilkynna til lögreglu

Hægt er að tilkynna hér eða á næstu lögreglustöð.

2. Hafðu samband við tölvudeildina

Ef þú hefur ekki þegar gert það ættirðu að hafa samband við tölvudeildina í fyrirtækinu þínu. Yfirmenn tölvudeilda ættu að tilkynna öryggisbrestinn til CERT-IS með tölvupósti á phishing@cert.is.

Ráð til að varast fyrirmælasvikum

• Athugaðu vel tölvupósta og skilaboð sem biðja um persónulegar upplýsingar, millifærslur eða breytingar á launareikningum. Skoðaðu netfang, birtingarnafn, greiðsluupplýsingar og hvort fleiri hafi fengið svipaðan póst

• Hafa verklag þannig að greiðslubeiðnir og -breytingar séu staðfestar með símtali.

• Ekki láta undan þrýstingi og vertu vakandi fyrir að ítrekanir eru til þess gerðar að láta starfsfólk gera mistök.

Falskir tölvupóstar

Falsaðir reikningar