Fara beint í efnið

Flytja lík á milli grafreita

Ef þess er óskað að lík verði flutt úr einum grafreit í annan þarf að fá sérstakt leyfi. Þetta á líka við ef óskað er eftir flutningi á duftkeri á milli grafreita.

Það getur tekið nokkurn tíma að afgreiða umsóknir. Því þarf að sækja tímanlega um flutninginn ef til stendur að hann fari fram á tilteknum degi.

Hverjir geta sótt um?

Ákveðnar reglur gilda um hverjir geta sótt um að lík verði flutt. Þeir sem geta sótt um þurfa að hafa tengsl við hinn látna og geta verið:

  • Maki

  • Sambúðarmaki

  • Börn eða aðrar niðjar

  • Foreldrar

  • Systkini

Umsóknarferlið

Fyrst þarf að óska eftir því við stjórn viðkomandi kirkjugarðs að lík verði flutt milli grafreita og sendir stjórnin erindið til sýslumannsins á Norðurlandi eystra sem veitir leyfið. Með umsókninni þurfa eftirfarandi upplýsingar að koma fram:

• Fæðingardagur hins látna
• Dánardagur hins látna
• Hvenær viðkomandi var grafinn
• Dánarmein (ef það er vitað)
• Ástæða fyrir flutningi
• Nýr greftrunarstaður

Sýslumaður leitar umsagnar hjá biskupi og yfirlækni heilsugæslu í viðkomandi umdæmi. Ef öll skilyrði eru uppfyllt gefur sýslumaður leyfið út og þá getur flutningurinn farið fram. Ef sýslumaður synjar um flutninginn er ákvörðun sýslumanns kæranleg til dómsmálaráðuneytisins.

Sýslumenn

Höfuð­borg­ar­svæðið

Mán. til fim. 8:30 - 15
Fös. 8:30 - 14

Vest­ur­land

Mán. til fim. 9 - 15
Fös. 9 - 14

Vest­firðir

Mán. til fim. 9 - 15
Fös. 9 - 13:30

Norð­ur­land vestra

Mán. til fös. 9 - 15

Norð­ur­land eystra

Mán. til fim. 9 - 15
Fös. 9 - 14

Aust­ur­land

Mán. til fim. 9 - 15
Fös. 9-14

Suður­land

Mán. til fös. 9 - 15

Vest­manna­eyjar

Mán. til fim. 9:15 - 15
Fös. 9:15 - 14

Suðurnes

Mán. til fös. 8:30 - 15