Unndís - samstarf um að fjölga hlutastörfum

Vinnumálastofnun veitir fyrirtækjum ráðgjöf, fræðslu og eftirfylgd svo að hægt sé að fjölga hlutastörfum á vinnumarkaði.

Þátttaka fyrirtækja felur í sér:

• Framkvæmd stöðumats með matskvarðanum Unndísi á öllum þáttum vinnustaðar sem styðja við atvinnuþátttöku fólks með mismikla starfsgetu. Unndís er verkfæri og leiðarvísir með innbyggðu matskerfi.

• Rýni jafnréttisáætlunar með tilliti til inngildingar.

• Rýni á tækifæri vinnustaðar til fjölgunar hlutastarfa.

• Gerð aðgerðaáætlunar sem miðar að ráðningum í hlutastörf.

• Endurmat með reglubundnum hætti.

Stuðningur við fyrirtæki

• Utanumhald og kynningu á Unndísi og þjónustu við vinnustaðinn við innleiðingu verkefnisins.

• Mat á stöðu inngildingar vinnustaðarins með matstæki Unndísar.

• Ráðgjöf við að rýna tækifæri til hlutastarfa innan stofnunarinnar eða fyrirtækisins.

• Fræðslu um viðeigandi aðlögun á vinnustað.

• Stuðning við ráðningu í störf og eftir atvikum eftirfylgd með ráðningu.

• Stuðning við gerð tímaáætlunar og aðgerðaplans innleiðingar.

• Mat á stefnu og árangri innleiðingar. Þetta þýðir að inngilding fólks með mismikla starfsgetu er skrifuð inn í jafnréttisstefnu.

• Endurgjöf og aðstoð við að ná betri árangri þar sem það á við.

Um Unndísi

Fyrirhugaðar breytingar á örorkulífeyriskerfinu fela í sér meiri hvata til atvinnuþátttöku fólks með mismikla starfsgetu. Breytingarnar taka gildi haustið 2025 og kalla á fjölgun hlutastarfa á vinnumarkaði.

Unndís á sér fyrirmynd hjá stofnunum Sameinuðu þjóðanna: UNDIS: United Nations Disability Inclusion Strategy

Frekari upplýsingar: unndis@vmst.is