Almennt um Fiskræktarsjóð

Meginhlutverk sjóðsins er að veita lán og styrki til verkefna sem þjóna þeim markmiðum að efla fiskrækt, bæta veiðiaðstöðu, styðja við rannsóknir í ám og vötnum og auka verðmæti veiði úr þeim. Fiskræktarsjóður er skipaður fjögurra manna stjórn sem matvælaráðherra skipar til fjögurra ára í senn.

Tveir nefndarmanna eru skipaðir samkvæmt tilnefningu Landssambands veiðifélaga og einn samkvæmt tilnefningu Landssambands stangaveiðifélaga. Ráðherra skipar formann nefndarinnar. 

Stjórn sjóðsins 2021-2026

Aðalmenn: 

• Hermann Brynjarsson, skipaður formaður án tilnefningar

• Ólafur Þór Þórarinsson, tilnefndur af Landssambandi veiðifélaga

• Drífa Hjartardóttir, tilnefnd af Landssambandi veiðifélaga

• Brynja Gunnarsdóttir, tilnefnd af Landssambandi stangaveiðifélaga
  

Varamenn:

• Guðrún Una Jónsdóttir, skipuð varaformaður án tilnefningar

• Jón Helgi Björnsson, tilnefndur af Landssambandi veiðifélaga

• Þuríður Björg Wiium Árnadóttir, tilnefnd af Landssambandi veiðifélaga

• Jón Þór Ólason, tilnefndur af Landssambandi stangaveiðifélaga.

Fyrstu 20 árin eftir stofnun sjóðsins, sem var lögfestur árið 1970, var eingöngu heimilt að veita styrki til verklegra framkvæmda svo sem eldisstöðva og fiskvega svo nam allt að þriðjungi kostnaðar. Árið 1994 var gerð lagabreyting, sem heimilaði styrkveitingar til annarra verkefna sem stuðla að aukningu og viðhaldi íslenskra laxfiska. Þann 1. janúar 2009 tóku gildi lög nr. 72/2008 um Fiskræktarsjóð sem fela það í sér að meginhlutverk sjóðsins í dag er að veita lán eða styrki m.a. til að efla fiskrækt, bæta veiðiaðstöðu og styðja við rannsóknir í ám og vötnum.

Vakin er sérstök athygli á eftirfarandi:

Með lögum nr. 62/2018, um breytingu á lögum nr. 72/2008, um Fiskræktarsjóð, var lögunum breytt á þann veg að felldar voru brott greinar laganna um álagningu og innheimtu 2% gjalds af tekjum af veiði í ám og vötnum.