Á Ísland.is á allt efni að vera jafn aðgengilegt á íslensku og ensku.

Þýðingar á ensku hafa forgang þar sem þær auðvelda sjálfvirka þýðingu efnis yfir á önnur tungumál.
Vefstjórar tryggja að efni á stofnanavefjum þeirra sé vel þýtt á ensku.

Þýðingartól í Contentful

Í Contentful-vefumsjónarkerfinu er þýðingarvél frá Miðeind sem hægt er að virkja til þess að þýða efni sjálfvirkt yfir á ensku.

Mikilvægt er þó að:

• Lesa þýðingu textans vel yfir. Skilar inntak textans sér skýrt til notenda?

• Alltaf þarf sérstaklega að athuga heiti stofnana og önnur sérnöfn og sérfræðiheiti í textum, þýðingarvélin ræður aðeins við slíkt að takmörkuðu leiti:
  
  Dæmi: Þýðingarvél þýðir „Öryggis- og samvinnustofnun Evrópu“ og skilar þýðingunni „European Security and Cooperation Organisation.“
  Rétt heiti á ensku er „Organisation for Security and Co-operation in Europe“.
  
  Dæmi: Þýðingarvélin þýðir „útlendingalöggjöfin“ og skilar þýðingunni „The Act on Foreigners“.
  Rétt heiti löggjafarinnar er „Foreign Nationals Act“.
  
  

• Ef um er að ræða efni sem tengist virkni með „process entry“, t.d. umsóknarferli þarf einnig að þýða það ferli. Ef ferlið er aðeins til á íslensku þarf að taka slíkt fram með skýrum hætti í ensku þýðingunni.

• Yfirfara hlekki. Þýðingarvélin vinnur ekki með hlekki. Þá þarf að setja handvirkt inn í þýdda textann, og hlekkja þá á enska þýðingu viðkomandi efnis, sé það til. Sé efnið ekki til á ensku þarf að tilgreina að efnið sé aðeins til á íslensku, eða sleppa hlekknum.

• Athuga þarf gæði þýðinga í „summary“, „slug“ og gæta þess að tengja efni í rétta flokka.

Ef þú ert með ábendingu varðandi þýðingar þá sendu línu á vefstjorn@island.is.