Að kæra niðurstöðu Vinnumálastofnunar
Þau sem eru ósátt við ákvörðun Vinnumálastofnunar geta kært hana til
úrskurðarnefndar velferðarmála. Úrskurður nefndarinnar er endanleg ákvörðun á stjórnsýslustigi.
Úrskurðarnefnd velferðarmála
Nefndin er sjálfstæð nefnd sem kveður upp úrskurði í kærumálum á sviði velferðarmála. Kærandi þarf ekki að greiða fyrir málsmeðferð fyrir nefndinni.
Kæra til nefndarinnar
Kæra til úrskurðarnefndar verður að vera skrifleg. Unnt er að fylla út rafrænt kærueyðublað á vefsíðu nefndarinnar.
Upplýsingar sem verða að koma fram í kæru eru:
Upplýsingar um kæranda. Nafn, kennitala, símanúmer, heimilisfang og netfang.
Upplýsingar um ákvörðun Vinnumálastofnunar sem kærð er. Æskilegt er að með kæru fylgi afrit af ákvörðun.
Kröfugerð. Hvaða niðurstöðu er kærandi að sækjast eftir með kæru sinni?
Rökstuðningur fyrir kæru. Sjónarmið kæranda og rök fyrir því að kærunefnd ætti að fallast á kröfur.
Kærufrestur
Frestur til að kæra ákvarðanir Vinnumálastofnunar til úrskurðarnefndarinnar er þrír mánuðir frá því að aðila máls var tilkynnt um ákvörðun stofnunarinnar.
Kæra til nefndarinnar frestar ekki áhrifum ákvörðunar Vinnumálastofnunar.
Málsmeðferð
Þegar kæra berst nefndinni óskar hún eftir öllum gögnum í málinu frá Vinnumálastofnun.
Vinnumálastofnun er veittur frestur til að setja fram umsögn. Þar koma fram málavextir og lagarök fyrir ákvörðun stofnunarinnar.
Nefndin sendir kæranda afrit af gögnum málsins. Kærandi á rétt á að tjá sig um umsögn Vinnumálastofnunar áður en úrskurðað er í málinu.
Þegar allar upplýsingar eru taldar liggja fyrir er málið tekið til úrlausnar og kveðinn upp úrskurður. Reynt er að kveða upp úrskurð innan þriggja mánaða eftir að henni berst mál.
Málsmeðferð fyrir úrskurðarnefndinni er almennt skrifleg en nefndin getur þó kallað aðila málsins á sinn fund.
Úrskurðir
Nöfn einstaklinga og heimilisföng koma ekki fram við opinbera birtingu á úrskurðum nefndarinnar.
Önnur úrræði
Einstaklingur hefur líka eftirfarandi möguleika til leita réttar síns:
Senda inn kvörtun til Umboðsmanns Alþingis ef einstaklingur telur sig hafa verið beittan rangindum af hálfu Vinnumálastofnunar. Það er þó almennt ekki hægt að kvarta til Umboðsmanns Alþingis fyrr en úrskurðarnefnd hefur fellt úrskurð í málinu.
Fara með mál fyrir dómstóla.
Lesa meira
Þjónustuaðili
Vinnumálastofnun