1. gr.

Á eftir 4. mgr. 1. gr. reglugerðarinnar kemur ný málsgrein:

Tæknifrjóvgun hefst með því að kynfrumum, eggi eða sæði, er safnað. Kynfrumur eru ýmist frystar eða egg frjóvgað og tilbúnir fósturvísar frystir eða settir upp. Hverri meðferð lýkur með einni uppsetningu fósturvísis eða fósturvísa, óháð því hve margir fósturvísar kunna að hafa orðið til í ferlinu.

2. gr.

B-liður 3. tl. 3. gr. reglugerðarinnar skal orðast svo: Fyrir að þýða egg og frjóvga, sbr. a-lið 3. tl., eða eina uppsetningu á fósturvísi sem hefur verið frystur.

3. gr.

Reglugerð þessi, sem sett er með stoð í 19. gr., 2. mgr. 38. gr. og 55. gr. laga um sjúkratryggingar, nr. 112/2008, með síðari breytingum, öðlast þegar gildi.

Heilbrigðisráðuneytinu, 21. júní 2023.

Willum Þór Þórsson.

Guðlaug Einarsdóttir.

B deild - Útgáfud.: 10. júlí 2023