Áformað er að innleiða í íslenskan rétt tilskipun (ESB) 2021/2118 um breytingu á tilskipun 2009/103/EB um ábyrgðartryggingu vegna notkunar vélknúinna ökutækja og um að fylgja því eftir að vátrygging vegna slíkrar ábyrgðar sé tekin með breytingum á lögum um ökutækjatryggingar, nr. 30/2019. Með innleiðingu tilskipunarinnar verður tilteknum aðila falið að hafa með höndum bótagreiðslur til tjónþola verði vátryggingafélag sem vátryggði ökutæki tekið til gjaldþrota- eða slitameðferðar vegna ógjaldfærni. Einnig eru gerðar samræmdar kröfur til tjónavottorða á EES-svæðinu, skilgreiningu á hugtakinu ökutæki er breytt o.fl.