Í júní 2024 samþykkti Alþingi frumvarp til laga um Náttúruverndarstofnun, sbr. lög nr. 111/2024, þar sem annars vegar Vatnajökulsþjóðgarður og hins vegar náttúruverndarsvið Umhverfisstofnunar renna saman í eina stofnun frá 1. janúar 2025. Allt frá því að vinna hófst við að undirbúa sameiningu stofnana ráðuneytisins hefur legið fyrir að nauðsynlegt sé að gera breytingar á tilteknum lagaákvæðum, annars vegar laga nr. 60/2013 um náttúruvernd og hins vegar laga nr. 60/2007 um Vatnajökulsþjóðgarð til að samræma eins og hægt er þau ákvæði sem gilda um gjaldtöku, leyfisveitingar, málsmeðferð, þvingunarúrræði og eftirlits og heyrir undir hina nýju stofnun. Frumvarpið er því eðlilegt framhald af þeirri vinnu. Áform þessi eru opin til samráðs til 8. október næstkomandi.