Í júní 2024 samþykkti Alþingi frumvarp til laga um Náttúruverndarstofnun, sbr. lög nr. 111/2024, þar sem annars vegar Vatnajökulsþjóðgarður og hins vegar náttúruverndarsvið Umhverfisstofnunar renna saman í eina stofnun frá 1. janúar 2025. Allt frá því að vinna hófst við að undirbúa sameiningu stofnana ráðuneytisins hefur legið fyrir að nauðsynlegt sé að gera breytingar á tilteknum lagaákvæðum, annars vegar laga nr. 60/2013 um náttúruvernd og hins vegar laga nr. 60/2007 um Vatnajökulsþjóðgarð til að samræma reglur sem hin nýja stofnun mun fara með auk annarra atriða.

Helstu breytingar sem lagðar eru til í frumvarpinu eru eftirfarandi:

• Gjaldtökuákvæði samræmd - lögð áhersla á gjaldtökuheimildir á náttúrverndarsvæðum fyrir veitta þjónustu.

• Skipun svæðisstjórna á svæðum sem friðlýst hafa verið sem þjóðgarðar.

• Úrskurðarvald um ákvarðanir Náttúrverndarstofnunar á grundvelli náttúrverndarlaga og laga um Vatnajökulsþjóðgarð fært til úrskurðarnefndar um umhverfis- og auðlindamál.

• Kafli náttúruverndarlaga um þvingunarúrræði og viðurlög tekinn upp í lög um Vatnajökulsþjóðgarð.