Evrópugerðirnar eru reglugerð (ESB) 2019/2033, um varfærniskröfur til verðbréfafyrirtækja, og tilskipun (ESB) 2019/2034, um varfærniseftirlit með verðbréfafyrirtækjum. Með þeim er regluverk Evrópusambandsins um varfærniseftirlit með verðbréfafyrirtækjum í megindráttum skilið frá reglum um varfærniseftirlit með bönkum og öðrum lánastofnunum. Aðskilnaðinum er ætlað að gera regluverkinu kleift að taka betur mið af sérstöðu hvorrar tegundar fyrirtækja fyrir sig. Líklega verður lagt til að gerðirnar verði innleiddar með nýjum lögum um verðbréfafyrirtæki.