Frumvarpinu er ætlað að einfalda regluverk þegar kemur að erlendri fjárfestingu með það fyrir augum að gera íslenskum fyrirtækjum auðveldara um vik með sækja fjármagn erlendis frá. Mikilvægt er að Ísland sé samkeppnishæft við önnur lönd um erlent fjármagn til að styðja við íslenskt atvinnulíf og þá einkum nýsköpunarfyrirtækin sem treysta á aðgang að lánsfé. Þá er ráðgert að í frumvarpinu verði lögð til breyting sem snýr að öllum atvinnurekstri og tímabært er að taka til endurskoðunar, sér í lagi vegna neikvæðra áhrifa á erlenda fjárfestingu.